Union
Budget 2023

Highlights

ஹோம் /ராமநாதபுரம் /

ராமேஸ்வரத்தில் அப்துல் கலாம் படித்த பள்ளியில் பொங்கல் கொண்டாடிய மாணவர்கள்

ராமேஸ்வரத்தில் அப்துல் கலாம் படித்த பள்ளியில் பொங்கல் கொண்டாடிய மாணவர்கள்

X
பொங்கல்

பொங்கல் கொண்டாட்டம்

Rameswaram pongal celebration | ராமேஸ்வரத்தில் ஏ.பி.ஜே.அப்துல் கலாம் படித்த பள்ளியில் பொங்கல் திருவிழா சிறப்பாக கொண்டாடப்பட்டது.

  • News18 Tamil
  • 1 minute read
  • Last Updated :
  • Rameswaram, India

ராமேஸ்வரத்தில் முன்னாள் குடியரசுத் தலைவர் ஏபிஜே அப்துல்கலாம் பயின்ற மண்டபம் ஊராட்சி ஒன்றிய நடுநிலைப்பள்ளியில் ஆசிரியர்கள், மாணவ, மாணவிகள் இணைந்து போட்டிகள் நடத்தி பொங்கல் பண்டிகையை பாரம்பரிய முறைப்படி வெகுவிமரிசையாக கொண்டாடினர்.

தமிழர் திருநாளாம் தைத் திருநாளில் பொங்கல் பண்டிகைகொண்டாடப்பட்டு வருகிறது. சமத்துவ பொங்கல், பாரம்பரிய பொங்கல் என பள்ளிகள், கல்லூரிகளில், மாணவ, மாணவிகள் பாரம்பரிய உடைகள் அணிந்து பொங்கல் வைத்து பொங்கல் பண்டிகை கொண்டாடப்படுவது வழக்கமாக இருந்துவருகிறது.

இந்நிலையில், ராமநாதபுரம் மாவட்டம் ராமேஸ்வரத்தில் அமைந்துள்ள முன்னாள் குடியரசுத் தலைவர் ஏபிஜே அப்துல்கலாம் பயின்ற மண்டபம் ஊராட்சி ஒன்றிய நடுநிலைப்பள்ளியில் ஆசிரியர், மாணவர்கள், மாணவிகள் இணைந்து பொங்கல் வைத்து பாரம்பரிய பொங்கல் பண்டிகையை வெகுவிமரிசையாக கொண்டாடினர்.

பொங்கல் கொண்டாட்டத்தில் குழந்தைகள்

இந்த கொண்டாட்டத்தில் ஒன்றாம் வகுப்பு பயிலும் சிறுவர்கள் பாரம்பரிய ஆடைகளான வேஷ்டி சட்டைகள் மற்றும் சிறுமிகள் பட்டு பாவாடை உடைகள் அணிந்து பொங்கல் பண்டிகை கொண்டாட்டத்தை இன்னும் அழகாக்கினர்.

“சீசன் துணிக்கடைகளில் போதிய வியாபாரம் இல்லை..” ராமேஸ்வரத்தில் வியாபாரிகள் வேதனை..

இதையடுத்து, மாணவியர்களுக்கு தமிழர் திருநாள், பொங்கல் பண்டிகை, ஜல்லிக்கட்டு போன்ற தலைப்புகளில் கோலப்போட்டி நடத்தப்பட்டு, மாணவர்களுக்கு பலூன் உடைத்தல் போட்டிநடத்தப்பட்டன. இரண்டு வருடங்களாக கொரோனாவால் இவ்வாறு பள்ளிகளில் பண்டிகை கொண்டாடமுடியாமல் போனது.இந்தாண்டு கொண்டாடுவது மிகவும் மகிழ்ச்சியாக இருக்கிறது என்று மாணவர்கள் தெரிவித்தனர்.

செய்தியாளர்: மனோஜ், ராமநாதபுரம்.

First published:

Tags: Local News, Ramanathapuram