தண்ணீருக்காக தவிக்கும் கிராம மக்கள்.. கண்டுகொள்ளுமா புதுச்சேரி அரசு?

புதுச்சேரி பாகூர் அருகே தண்ணீர் இல்லாமல் தவிக்கும் கிராம மக்கள் அரசு உரிய நடவடிக்கை எடுக்க வேண்டும் என்று கோரிக்கை விடுத்துள்ளனர்.

புதுச்சேரி பாகூர் கொம்யூன் மூ.புதுக்குப்பம் மீனவ கிராமத்தில் சுனாமிக்கு பிறகு 2007 ஆம் ஆண்டு முதல் சுனாமி வீடுகளுக்கு மக்கள் குடிபெயர்ந்து வாழ்ந்து வருகின்றனர். அப்போது பாகூர் கொம்யூன் பஞ்சாயத்து மூலம் அனைத்து வீடு மற்றும் தெருக்களுக்கும் குடிநீர் குழாய்கள் அமைத்து கொடுக்கப்பட்டன.

சுமார் 15 ஆண்டுகள் கடந்தும் சுனாமி நகர் வடக்கு பகுதியில் அமைந்துள்ள 150 வீடுகளுக்கு மேல் இதுவரை குடிநீர் வரவில்லை என்று குற்றச்சாட்டு எழுந்துள்ள. இப்பகுதி மக்கள் குடி நீருக்காக நீண்ட தூரம் சென்று தண்ணீர் எடுத்து வருகின்றனர். இதனால் தனது சொந்த செலவில் 20 அடி மேல் போர்வெல் அமைத்து, ஊற்று தண்ணீரை பயன்படுத்தி வருகின்றனர். இதனால் சுகாதாரமற்றி பயன் படுத்துவதால் அடிக்கடி நோயால் அவதி அடைந்து வருகின்றனர்.

குடிநீர் வேண்டி பாகூர் கொம்யூன் பஞ்சாயத்து ஆணையர், புதுச்சேரி மாவட்ட ஆட்சியர் என பல அதிகாரிக்கு புகார் அளித்தும் எந்த நடவடிக்கையும் எடுக்கவில்லை என்று சொல்லப்படுகிறது.

ALSO READ | புதுச்சேரியில் திடீர் மழை... வெப்பம் தணிந்ததால் பொதுமக்கள் உற்சாகம்!

இதனால் ஆத்திரமடைந்த அப்பகுதி மக்கள்ஒன்று திரண்டு வங்கக்கடலில் மண்பானையில் தண்ணீர் திரட்டிக்கொண்டு, பூ மலை, மெழுகு வத்தி ஏந்தியும், காலிகுடங்களுடன் ஊர்வலமாக சுனாமி குடியிருப்பு தெரு குடிநீர் குழாக்குவந்தனர். பின்னர் குழாயிற்க்கு மாலை அணிவித்து பூஜை காரியங்கள் நடத்தினர். பின்னர் கடல்நீர் கொண்டு வந்த மண்குடத்தை உடைத்து கண்ணீர் அஞ்சலி செலுத்தி அரசுக்கு எதரிப்பு தெரிவித்தனர்.

அரசு இனியும் காலதாமதம் செய்தால் பாகூர் கொம்யூன் பஞ்சாயத்தை காலிகுடங்களுடன் திரண்டு சென்று பூட்டு போடும் போராட்டத்தில் ஈடுபடுவோம் என கிராம மக்கள் முடிவு செய்து அறிவித்துள்ளனர்.

உங்கள் ஊர் செய்திகளை வீடியோவாக பெற கிளிக் செய்க