பொன்னியின் செல்வன் 2 படம் குறித்து கார்த்தி, விக்ரம், ஜெயம் ரவி ரசிகர்களின் எதிர்பார்ப்பு இது தான்..

லைகா புரடக்ஷன் (Lyca Productions) சுபாஷ்கரன் தயாரிப்பில் மணிரத்னம் இயக்கத்தில் உருவான பொன்னியின் செல்வன்-2 திரைப்படம் நாளை ( 28ஆம் தேதி) உலகம் முழுவதும் வெளியாகிறது.

ஜெயம் ரவி, விக்ரம், கார்த்தி, பிரபு, த்ரிஷா, ஐஸ்வர்யா ராய், பிரகாஷ்ராஜ் உள்ளிட்ட ஏராளமான பிரபலங்கள் நடிப்பில், ரஹ்மான் இசையமைப்பில் உருவாகியுள்ள இந்த படம் பெரும் எதிர்பார்புகளை கிளப்பியுள்ளது.

இந்நிலையில், தமிழ்,தெலுங்கு, மலையாளம், கன்னடம் மற்றும் இந்தி என பான் இந்தியா மூவியாக இத்திரைப்படம் வெளியாக இருக்கிறது. மேலும் இந்தியாவில் PS 2 4DX இல் வெளியாக உள்ளது என்பது இதன் கூடுதல் சிறப்பம்சமாக உள்ளது.

கடந்த ஆண்டு வெளியான பொன்னியின் செல்வன் படம் படத்தின் முதல் பாகத்திற்கு பின்னர் பொன்னியின் செல்வன் 2 மீதான எதிர்பார்ப்பு ரசிகர்களிடையே அதிகரிக்க தொடங்கியுள்ளது. படம் நாளை (ஏப்ரல் 28) வெளியாகவுள்ள நிலையில் பொன்னியின் செல்வன் 2 படத்தின் ப்ரோமோஷன் பணிகள் முழு வீச்சில் செயல்பட்டு வருகின்றன.

பொன்னியின் செல்வன் 2

இந்த படத்தின் எதிர்பார்ப்புகள் குறித்து புதுவை ரசிகர்கள் கூறுகையில், பொன்னின் செல்வன் இரண்டாம் பாகம் நாளை வெளியாக உள்ள நிலையில், தமிழர்களின் பாரம்பரியம் மற்றும் தமிழர்களின் வரலாற்றை போற்றும் வகையில் இப்படம் எடுக்கப்பட்டுள்ளது என்றனர்.

பொன்னியின் செல்வன் 2

இதனிடையே நடிகர் கார்த்தி ரசிகர் மன்றத்தின் புதுவை மாநில தலைவர் ராஜ்குமார் பேசுகையில், பொன்னியின் செல்வன் படம் பார்க்க வரும் பொதுமக்களுக்கு காலை உணவு கார்த்தி ரசிகர்களின் சார்பாக வழங்கப்பட இருப்பதாக தெரிவித்துள்ளார்.

தற்போதுள்ள சந்ததியினருக்கு பெரும்பாலும் தமிழர்களின் வரலாறும், ராஜாக்களின் வரலாறும் அவ்வளவாக தெரியவில்லை. வரலாற்று கலை படமாக எடுத்த இயக்குனர் மணிரத்தினம் புதுச்சேரி ரசிகர்கள் சார்பாக நன்றி தெரிவிப்பதாக கூறினர்.

உங்கள் ஊர் செய்திகளை வீடியோவாக பெற கிளிக் செய்க

மேலும், இது போல படத்தில் தங்களுக்கு பிடித்த நடிகர்கள் நடித்திருப்பது மேலும் சிறப்பு அம்சமாக இருப்பதாகவும் தெரிவித்தனர். பொதுமக்கள் அனைவரும் தங்களின் குடும்பங்களுடன் தியேட்டர் சென்று படத்தை பார்க்க வேண்டும் என்றும் அவர்கள் கோரிக்கையும் வைத்தனர்.