விருதுநகரில் கிறிஸ்துமஸ் தினத்தன்று விடிய விடிய ஜொலித்த குடில்கள்..! 

கிறிஸ்தவர்கள் ஒவ்வொரு கிறிஸ்துமஸ் தினத்திலும்
இயேசு பிறந்ததாக கூறப்படும் பெத்லகேம் நகரின் அந்த மாட்டு தொழுவ சூழலை நினைவு கூறும் வகையில் குடில் அமைப்பர்.

அதேபோன்று மனித பொம்மைகளையும், குழந்தை ஏசு சிலையும் வாங்கி வைத்து வணங்குவர்.

மேலும், மாட்டு தொழுவம் போன்றே வைக்கோல்களை பரப்பி அதில் உருவ பொம்மைகளை வைத்து வண்ண விளக்குகளால் அலங்கரிப்பர்.

இதன் அளவு அவரவர் வசதிக்கேற்ப மாறுபடும்.

இந்த குடில்கள் அமைக்கும் பழக்கம் இந்தியாவை காட்டிலும், மேலை நாடுகளில் அதிகமாக இன்றும் பின்பற்றப்படுகிறது.

அந்தவகையில் விருதுநகரில் கிறிஸ்துமஸ் தினம் சிறப்பாக கொண்டாடப்பட்டது.

மக்கள் தங்கள் இல்லங்களிலும், தெருக்களிலும் கிறிஸ்துமஸ் குடில்கள் அமைத்து அலங்கரித்திருந்தனர்.

குறிப்பாக அல்லம்பட்டி வாட்டர் டேங்க், பாண்டியன் நகர், கட்டையபுரம் போன்ற இடங்களில் தெருக்களில் பிரம்மாண்டமான குடில்கள் அமைக்கப்பட்டது.

அந்த தெருவே மின் விளக்குகளால் அலங்கரிக்கப்பட்டு இரவு முழுவதும் ஜொலித்துக்கொண்டிருந்தது.