"எங்க கிராமத்துல நூலகம் அமைத்து கொடுங்க" மாவட்ட ஆட்சியரிடம் மனு அளித்த சிறுமி!

மாவட்டம் கண்டாச்சிபுரம் அருகிலுள்ள திருமலைப்பட்டு கிராமத்தை சேர்ந்த ஐந்தாம் வகுப்பு மாணவி வருனிதா. தங்கள் ஊரில் அரசு நூலகம் அமைத்து தர வேண்டும் என கோரி விழுப்புரம் மாவட்ட ஆட்சியர் அலுவலகத்தில் மனு அளித்தார்.

தனது கோரிக்கை குறித்து பேசிய மாணவி வருனிதா, எங்கள் ஊழில் உள்ள தொடக்கப்பள்ளியில் 28 மாணவர்கள் கல்வி பயின்று வருகிறார்கள். ஓய்வு நேரங்களில் மாணவர்கள் காட்டுப்பகுதிக்கு சென்று விளைடுவதால் விஷ சந்துக்களால் பாதிக்கப்படுகிறார்கள்.  இதனால் எங்கள் ஊரில் அரசு நூகலம் ஒன்றை கட்டித்தர வேண்டும் என கோரிக்கை வைத்துள்ளார்.

மேலும் மாவட்ட ஆட்சியர் பழனியை நேரில் சந்தித்து கோரிக்கை மனுவினை அளித்தார். இதனை பெற்று கொண்ட மாவட்ட ஆட்சியர், பள்ளியிலேயே நூலகம் அமைத்து தருவதாக வாக்குறுதியளித்தார்.

தனது ஊருக்கு நூலகம் கேட்டு ஐந்தாம் வகுப்பு மாணவி ஆட்சியரிடம் மனு அளித்தது அனைவரையும் நெகிழ்ச்சியில் ஆழ்த்தியது.