2019-ம் ஆண்டு கூகுளில் இந்தியாவில் அதிகம் தேடப்பட்ட டாப் 10 செய்திகள்..!

இந்த ஆண்டு கூகுளில் அதிகம் தேடப்பட்ட செய்திகள் என்று ஒரு பட்டியலை கூகுள் நிறுவனம் வெளியிட்டுள்ளது. அதில் மக்களவைத் தேர்தல் முடிவுகள் குறித்த செய்தி தேடுதல் பட்டியலில் முதலிடம் பிடித்துள்ளது.

இந்த ஆண்டு இஸ்ரோவில் இருந்து  சந்திரயான் 2 விண்கலம் ஜூலை 22-ம் தேதி விண்ணில் ஏவப்பட்டது.  சந்திரயான் குறித்த தகவல்களை அறிந்து கொள்வதற்காக நெட்டிசன்கள் கூகுளில் அதிகம் தேடியுள்ளனர்.  2019 ஆம் ஆண்டுக்கான கூகுள் தேடுதல் பட்டியலில்  2-ம் இடத்தை பிடித்துள்ளது.

Article370 இந்திய அரசியலமைப்புச் சட்டத்தின் அடிப்படையில் ஜம்மு காஷ்மீருக்கு வழங்கப்பட்டு வந்த சிறப்பு அந்தஸ்து ரத்து செய்யப்பட்டது.  சட்டப்பிரிவு 370 என்றால் என்ன  என்பதுதொடர்பாக நெட்டிசன்கள்  கூகுளில்  அதிகம் தேடியுள்ளனர். இது 3ஆம் இடத்தை பிடித்துள்ளது.

பட்ஜெட் 2019 தாக்கல் செய்த மத்திய அரசு பிரதான் மந்திரி கிசான் சம்மன் நிதி (PM-KISAN) திட்டத்தின் கீழ் நலிந்த விவசாயிகளுக்கு ஆண்டுக்கு 6,000 ரூபாய் நிதி உதவி செய்ய உள்ளதாக அறிவித்தது. இது தொடர்பான செய்திகள் கூகுள் தேடுதல்  பட்டியலில்  4-ம் இடத்தை பிடித்துள்ளது.

மகாராஷ்டிராவில் சட்டமன்றத் தேர்தல் தற்போது நடந்துமுடிந்த நிலையில் இது தொடர்பான செய்திகள் கூகுள் தேடுதல் பட்டியலில்  5-ம் இடத்தை பிடித்துள்ளது.

ஹரியானாவில் நடந்த தேர்தலில் தனிப்பெரும் கட்சியாக பாஜக உருவெடுத்து முதலமைச்சராக மனோகர் லால் கட்டார் பதவியேற்றுக்கொண்டார். அவருடன் துணை முதலமைச்சராக ஜனநாயக ஜனதா கட்சியின் தலைவர் துஷ்யந்த் சவுதாலா பதவியேற்றார். இது தொடர்பான  செய்திகள் கூகுள் தேடுதல் பட்டியலில்   6-ம் இடத்தை பிடித்துள்ளது.

#Pulwama 2019-ம் ஆண்டு பிப்ரவரி 14-ம் தேதி புல்வாமா பகுதியில் தீவிரவாதத் தாக்குதல் நடத்தப்பட்டது. இந்த கோர தாக்குதலில் 41 வீரர்கள் உயிரிழந்துள்ளனர். இது தொடர்பான  செய்திகள் கூகுள் தேடுதல் பட்டியலில்    7-ம் இடத்தை பிடித்துள்ளது.

தென்கிழக்கு வங்கக் கடலில் நிலை கொண்டிருந்த காற்றழுத்த மண்டலம் வலுவடைந்து புயலாக மாறியது. இந்த புயலுக்கு ஃபானி என்று பெயரிடப்பட்டது. இந்த புயலில் சிக்கி 2000-க்கும் மேற்பட்ட மக்கள் உயிரிழந்தனர். இது தொடர்பான  செய்திகள் கூகுள் தேடுதல் பட்டியலில்    8-ம் இடத்தை பிடித்துள்ளது.

அயோத்தி நில விவகாரத்தில் உச்ச நீதிமன்றம் கடந்த நவம்பர் மாதம் 9-ம் தேதி தனது தீர்ப்பை வழங்கியது. சர்ச்சைக்குரிய இடம் இந்துக்களுக்கே சொந்தம் என்று தீர்ப்பு வழங்கப்பட்டது. மேலும், இஸ்லாமியர்களுக்கு வேறு இடம் ஒதுக்க உத்தரவிடப்பட்டது. இது தொடர்பான  செய்திகள் கூகுள் தேடுதல் பட்டியலில்  9-ம் இடத்தை பிடித்துள்ளது.

அமேசான் காட்டில் இந்த ஆண்டு ஒரு பெரிய தீ விபத்து ஏற்பட்டது. இது தொடர்பான  செய்திகள்  கூகுள்தேடுதல் பட்டியலில்   10-ம் இடத்தை பிடித்துள்ளது.