தமிழகம் பிரதமர் மோடியை விரும்புகிறது - அமித் ஷா தமிழில் ட்வீட்

தமிழகத்தில் 31,000 கோடி ரூபாய் மதிப்பிலான புதிய திட்டங்களுக்கு அடிக்கல் நாட்டவும், நிறைவுற்ற பணிகளைத் தொடங்கி வைத்து நாட்டுக்கு அர்ப்பணிக்கவும் பிரதமர் நேற்று வந்தார்.

சென்னை வந்த பிரதமர் மோடியை ஆளுநர் ஆர்.என். ரவி, மத்திய இணை அமைச்சர் எல். முருகன் ஆகியோர் சால்வை அணிவித்து வரவேற்றனர். தமிழக அமைச்சர்கள் துரைமுருகன், பொன்முடி, எதிர்க்கட்சி தலைவர் எடப்பாடி பழனிசாமி ஆகியோரும் வரவேற்றனர். மோடியின் வருகையை முன்னிட்டு, பாஜக சார்பில் விமான நிலைய வளாகத்தில் மேள, தாளங்கள் முழங்க பாரம்பரிய நடன நிகழ்ச்சிகளும் ஏற்பாடு செய்யப்பட்டு இருந்தன.

சென்னை நேரு உள்விளையாட்டு அரங்கில் நடைபெற்ற அரசு நிகழ்ச்சியில், பிரதமர் மோடி - முதலமைச்சர் ஸ்டாலின் இருவரும் ஒரே மேடையில் கலந்துகொண்டனர். ஒரு நாள் பயணமாக வந்த பிரதமர் மோடி அரசு நிகழ்ச்சி முடிந்த உடன் நேற்று இரவே டெல்லி திரும்பினார்.

இந்நிலையில் மோடியின் சென்னை வருகை உள்துறை அமைச்சர் அமித்ஷா தனது ட்விட்டர் பக்கத்தில் தமிழகம் பிரதமர் நரேந்திர மோடி அவர்களை விரும்புகிறது என்று தமிழில் ட்வீட் செய்துள்ளார். மேலும் பிரதமர் மோடி மீது அன்பும் பாசமும் தமிழகத்தில் பெருகி வருகிறது என்றும் பதிவிட்டுள்ளார்.

பிரதமர் நரேந்திர மோடியும் தனது ட்விட்டர் பக்கத்தில் சிறப்பான வரவேற்பு கொடுத்த தமிழகத்திற்கு நன்றி என்று பதிவிட்டுள்ளார்.