இங்கிலாந்தின் வெளியுறவுத்துறை அமைச்சக அலுவலகத்தில் வேலை செய்த பூனை, பணியிலிருந்து ஓய்வு

இங்கிலாந்தின் வெளியுறவுத்துறை அமைச்சக அலுவலகத்தில் பணியாற்றி வந்த பால்மர்ஸ்டன் (Palmerston) பூனை பணியிலிருந்து ஓய்வு பெறுகிறது.

வெளியுறவுத்துறை அலுவலகத்தில் எலிகளைப் பிடிக்கும் பணியில் ஈடுபட்டிருந்த பூனை ஓய்வு பெறுவது அந்த அலுவலகப் பணியாளர்களிடையே சோகத்தை ஏற்படுத்தியுள்ளது.

பால்மர்ஸ்டன் பிரத்யேக ட்விட்டர் பக்கத்தில் பூனையின் சார்பில் பதவி விலகல் கடிதம் வெளியிடப்பட்டுள்ளது. இந்தக் கடிதத்தில் நான்கு ஆண்டுகள் பணியை நிறைவு செய்துள்ளதாகவும், தற்போது ஓய்வு பெறும் நேரம் நெருங்கிவிட்டதால் பணியிலிருந்து விலகுவதாகவும் தெரிவிக்கப்பட்டுள்ளது.

அலுவலகத்தில் பணி முடிவுக்கு வந்தாலும் தான் எப்போதும் இங்கிலாந்தின் தூதராக இருப்பதாக பால்மர்ஸ்டன் சார்பில் கூறப்பட்டுள்ளது. பால்மர்ஸ்டன் பூனையின் ட்விட்டர் பக்கத்தை ஒரு லட்சம் பேருக்கு மேல் பின்தொடர்கின்றனர்.