காலையில் படிப்பு, மாலையில் வீட்டு பாத்திரம் தேய்க்கும் வேலை... மிஸ் இந்தியா 2020-ல் சாதித்த ஆட்டோ ஓட்டுநர் மகள்

2020-ஆம் ஆண்டுக்கான மிஸ் இந்தியா போட்டியில் ஆட்டோ ஓட்டுநர் ஒருவரின் மகள் இரண்டாவது இடத்தை பிடித்து சாதித்துள்ளார்.

ஏழ்மையான குடும்பத்தில் பிறந்த மன்யா சிங் வாழ்க்கையில் பல கஷ்டங்களை அனுபவித்தே பிறகே இந்த மகுடத்தை சூடியுள்ளார்.

மன்யா சிங் உத்தரபிரதேசத்தைச் சேர்ந்த குஷி நகரைச் சேர்ந்தவர். அவரது தந்தை ஆட்டோ டிரைவர். அவரது தந்தையின் ரிக்‌ஷாவிலிருந்து கிடைத்த வருமானத்தால் அவரது குடும்பம் இயக்கப்படுகிறது.

ஆட்டோ ஓட்டுநரின் மகளான மான்யா சிங், வாழ்க்கையில் பட்ட துன்பங்களை தனது இஸ்டாகிராம் பக்கத்தில் பதிவிட்டுள்ளார். பகல் நேரங்களில் பள்ளி சென்று படித்ததாகவும், மாலை நேரங்களில் பாத்திரம் தேய்த்தும், இரவு நேரங்களில் கால் சென்டரில் வேலை பார்த்தும் பணம் சம்பாதித்தாகவும் மான்யா சிங் தெரிவித்துள்ளார்.

வாழ்க்கையில் வெற்ற பெற வேண்டும் என்ற எண்ணத்தில் உழைத்தால் எதையும் சாதிக்கலாம் என்பதை உலகிற்கு காட்டவே மிஸ் இந்தியா போட்டியில் பங்கேற்றதாகவும் மான்யா சிங் கூறியுள்ளார்.

பிரபஞ்ச அழகிப் போட்டியில் இந்தியா சார்பில் கலந்துகொள்பவரைத் தேர்ந்தெடுப்பதற்கான 'மிஸ் டிவா 2020' போட்டியில், அட்லைன் காஸ்டெலினோ வென்றுள்ளார்.

மான்யா சிங் படிப்பிலும் சிறந்த மாணவியாக இருந்துள்ளார். 12-ம் வகுப்பில் அந்த ஆண்டின் சிறந்த மாணவராக தேர்ந்தெடுக்கப்பட்டுள்ளார்.

மன்யா சிங் வீட்டின் வறுமை காரணமாக அவர் பள்ளி நாட்களில் கல்வி கட்டணம் செலுத்த அவரது தாயார் தங்க நகைகளை அடமானம் வைத்துள்ளார்.

கல்லூரி நாட்களில் வேலை பார்த்து கொண்டும் அந்த பணத்தை மிச்சப்படுத்தி அவர் தனது சாதனை பயணத்தை மேற்கொண்டுள்ளார்.

விடாமுயற்சியும், தன்னம்பிக்கையும் இருந்தால் எதையும் சாதித்து காட்டிட முடியும் என்பதற்கு மான்ய சிங் சிறந்த உதாரணமாக உள்ளார்.

மான்ய சிங்

மான்ய சிங்