அடடே..! 1 மணிநேரத்தில் 40,000 பானிபூரி தயாரிக்கும் சூப்பர் மெஷின்..! அகமதாபாத் பொறியாளர் அசத்தல்

பானிபூரியின் தேவை மிக அதிகம். பலரும் இதை விரும்பி சாப்பிடுவார்கள். மாலையில் பானிபூரி சாப்பிடாமல் வீட்டுக்குப் போகாதவர்களை விரல் விட்டு எண்ணி விடலாம்.

ஆனால் அதை வாங்கி சாப்பிட நிறைய நேரம் காத்திருக்க வேண்டி வரும். சில இடங்களில் தட்டில் மொத்தமாக வைத்துக் கொடுப்பதும் உண்டு.

அகமதாபாத் பொறியாளர் ஒருவர் பானிபூரி தயாரிக்கும் இயந்திரத்தை உருவாக்கியுள்ளார். ஒரு மணி நேரத்தில் 40,000 பானிபூரிகளை இது தயாரிக்கிறது. அந்த பொறியாளரின் பெயர் ஆகாஷ் கஜ்ஜர்.

பானிபூரி செய்யும் இடத்தைப் பார்த்தால், அதை சாப்பிட முடியாது என்ற வதந்தி நீண்ட நாட்களாக பரவியுள்ளது. அதற்கு முற்றுப்புள்ளி வைக்கும் விதமாக சுத்தமான முறையில் பானிபூரி தயாரிக்கும் இயந்திரத்தைக் கண்டறிந்துள்ளார் ஆகாஷ்.

பானிபூரி தயாரிப்பதற்காக ஆகாஷ் கஜ்ஜார் தயாரித்த இயந்திரம் 1 மணி நேரத்தில் 40,000 பானிபூரிகளை தயாரிக்கும்.

மிஷினிலேயே எண்ணெயில் பொரித்து பூரி தயாரிக்கப்படுகிறது. இந்த பூரி மிருதுவாகவும், மொறுமொறுப்பாகவும் இருக்கும்.

இந்த இயந்திரம் 2022ம் ஆண்டு ரூ.7,85,000  தயாரிக்கப்பட்டதாக ஆகாஷ் கஜ்ஜர் தெரிவித்தார்.