சின்ன சின்ன ஆசை... குறும்புக்கார யானைகளின் குட்டி ஆசைகள்..!

சின்னச் சின்ன ஆசை சிறகடிக்கும் ஆசை.. முத்து முத்து ஆசை முடிந்து வைத்த ஆசை.. வெண்ணிலவு தொட்டு முத்தமிட ஆசை... இப்படி பாட்டு பாடி ஊர் சுற்ற மனிதர்களுக்கும் தான் ஆசை வருமா என்ன? விலங்குகளுக்கும் உண்டு.

சர்க்கஸில் அடைத்து வைக்கப் பட்டு மனிதர்களின் சொல் பேச்சு கேட்கும் படி வளர்க்கபட்ட இரு யானைகள் தான் கர்லா மற்றும் ரன்னி ( Karla and Ranni ).

இவர்கள் இருவரும் குறும்புக்கார தம்பதி யானைகள். ரஷ்யாவில் உள்ள எக்டேரின்பெர்க் நகரில் உள்ள சர்க்கஸில் இவை வளர்ந்து வருகின்றது.

கர்லா மற்றும் ரன்னி வெளிஉலகை சுற்றி பார்க்க நினைத்து சர்க்கஸை விட்டு வெளியேற முடிவு செய்து ட்ராவல் செய்ய எண்ணம் வந்தது போலும்.

உடனே சர்க்கஸில் இருந்து தப்பித்து வெளியேறியது. பிறகு செய்வதறியாது மனிதர்கள் வாழும் குடியிருப்பு பகுதிக்குள் நுழைந்துள்ளது. அங்கு கிடைக்க பெற்ற உணவுகளை உண்டு, மகிழ்வாக சுற்றி திரிந்துள்ளது.

இதில் பெண்யானை அங்கு குவிந்து கிடந்த பனிக்குவியலை பார்த்ததும் ஓடிச் சென்று விளையாட ஆரம்பித்து விட்டது.

பின்னர் சம்பவ இடத்திற்கு விரைந்து வந்த சர்க்கஸ் ஊழியர்கள் கர்லா மற்றும் ரன்னியை பிடிக்க முற்பட்டனர்.

அதில் ஒரு யானை பனிக்குவியல்களில் விளையாடிக் கொண்டிருந்த நிலையில், அதனை விட்டு வர மனமில்லை.

இதனிடையே சர்க்கஸ் ஊழியர்கள் கயிறு கட்டி, அந்த யானையை இழுத்துச் சென்றனர்.

பின்னர் இரு யானைகளும் சர்க்கஸில் மீண்டும் அடைக்கப்பட்டது.