12 ஃபாலோயர்ஸ்..! 10 லட்சம் பார்வையாளர்கள்..! புற்றுநோயை வென்ற பெண்ணுக்கு பேரன்பைக் கொடுத்த உலகம்

புற்றுநோயால் பாதிக்கப் பட்டவர் கேட்டி ஹேலண்ட். இவர் மார்பக புற்றுநோயால் அவதிபட்டு வந்துள்ளார். இதற்காக இவருக்கு கீமோதெரபி சிகிச்சைமுறை அளிக்கப்பட்டுள்ளது. கீமோதெரபி மிகவும் கடுமையானவை. இந்த சிகிச்சை முறையில் மிகுந்த வலிகளை தாங்க வேண்டும். இந்த சிகிச்சை முறையின் இரு கட்டத்தை கேட்டி ஹேலண்ட் எட்டியுள்ளார்.

இதனிடையே கேட்டி தான் இறுதி கட்ட சிகிச்சையை மேற்கொள்ளும் முன் தனது ட்விட்டர் பக்கத்தில் ஒரு பதிவினை பதிவிட்டுள்ளார். அந்த பதிவில் என்னை ட்விட்டரில் 12 நபர்கள் மட்டுமே பின் தொடர்கின்றனர் .

அந்த 12 பேருக்கும் கூறுகிறேன் இன்று தான் எனது புற்றுநோயின் இறுதி கட்ட கீமோதெரபி சிகிச்சை என பதிவிட்டு தான் மருத்துவமனையில் இருக்கும் வீடியோவையும் ஷேர் செய்துள்ளார்.

இந்நிலையில் மீண்டும் சிகிச்சை முடிந்து அவர், நலமாக வந்து ட்விட்டரை பார்க்கும் பொழுது தான் உலகம் முழுமையும் வைரலாகி இருந்ததை கண்டு அதிர்ச்சி அடைந்தார். அவர் கடைசியாக ட்விட்டரில் பதிவிட்ட வீடியோ 10 மில்லியன் பார்வையாளர்களுக்கும் மேல் கடந்தது. 94.4K ரீ ட்விட் மற்றும் 957.1K லைக்ஸ் வாங்கி உலகம் முழுமையும் வைரலாகி இருந்ததை கண்டு ஆச்சர்யத்தில் திகைத்து போயினார்.

இதற்கு பதில் அளித்த அவர், உலகம் முழுமையும் வைரலானது இந்த உலகே என் மீது அன்பு வைத்தது போன்ற உணர்வு கிடைத்துள்ளதாக அனைவருக்கும் ட்விட்டரில் நன்றி தெரிவித்துள்ளார். தற்போது கேட்டியின் கணக்கு 32,000 பேரை கடந்து செல்கிறது.