இறந்த கண்ணாடி வீரியன் பாம்பு வயிற்றுனுள் இருந்த 50 குட்டிகள்... வைரலாகும் வீடியோ

கர்நாடகா மாநிலம் சித்ரதுர்கா அருகே ஜோதிபிரகாஷ் என்ற விவசாயி தோட்டத்தில் உயிரிழந்த கண்ணாடி விரியன் பாம்பினை பார்த்துள்ளார். விவசாயி ஜோதி பிரகாஷ். சித்ரதுர்கா தாலுகாவில் உள்ள ஹம்பனூர் கிராமத்தை சேர்ந்தவர்.

இவரது தோட்டத்தில் உயிரிழந்த பாம்பு வயிற்றில் சுமார் 50 குட்டிகள் இருந்ததை கண்டு அதிர்ச்சியடைந்து கிராமத்தினருக்கு தகவல் அளித்துள்ளார். பெரும்பாலும் பாம்புகள் முட்டையிட்டு தான் குட்டிகள் வெளியே வரும் ஆனால் பாம்பு குட்டிகள் உடன் இருப்பதை மக்கள் ஆச்சரியத்துடன் பார்த்தார்கள். மேலும் தன்னுடைய குட்டிகளை அந்த பாம்பே விழுங்கி இருக்கலாம் என்றும் கூறப்படுகிறது.

கண்ணாடி விரியன் என்றும் சிலர் இதை ரஸ்ஸலின் வைப்பர் பாம்பு என்று அழைக்கிறார்கள். இது மிகவும் விஷத்தன்மை கொண்ட பாம்பு என கிராம மக்கள் கூறுகின்றனர். இறந்த பாம்பு வயிற்றினுள் 50 குட்டிகள் இருந்த வீடியோ சமூக வலைதளங்களில் வைரலாகி வருகிறது.