தாறுமாறாக ஓடிய கார்... நொடிப்பொழுதில் பறிபோன 3 மாணவர்கள் உயிர்.. வாணியம்பாடியில் சோகம்..!

மாவட்டம் வாணியம்பாடி அருகே கார் மோதியதில் பள்ளி மாணவர்கள் 3 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது.

வாணியம்பாடி அருகே வளையாம்பட்டு கிராமத்தில், சென்னை - பெங்களூரு தேசிய நெடுஞ்சாலையில் உள்ள சர்வீஸ் சாலையில் சைக்கிளில் சென்று கொண்டிருந்த பள்ளி மாணவர்கள் 3 பேர் மீது, அதிவேகமாக வந்த கார் மோதியது.

இதில் 8ஆம் வகுப்பு மாணவர்கள் ரபீக், விஜய், சூர்யா ஆகியோர் நிகழ்விடத்திலேயே உயிரிழந்தனர். சென்னையில் இருந்து பெங்களூரு நோக்கிச் சென்ற கார், ஓட்டுனரின் கட்டுப்பாட்டை இழந்து அங்குள்ள சர்வீஸ் சாலைக்குள் புகுந்துள்ளது.

அப்போது சைக்கிளில் பள்ளி சென்று கொண்டிருந்த மாணவர்கள் மீது கார் மோதியதில் அவர்கள் தூக்கி வீசப்பட்டு பரிதாபமாக உயிரிழந்தனர். தகவல் அறிந்து திரண்ட கிராம மக்கள், சென்னை - பெங்களூரு தேசிய நெடுஞ்சாலையில் மறியல் போராட்டத்தில் ஈடுபட்டனர்.

விரைந்து வந்து மாணவர்களின் உடல்களை மீட்ட போலீசார், உட்றகூராய்விற்காக வாணியம்பாடி அரசு மருத்துவமனைக்கு அனுப்பி வைத்துள்ளனர். பள்ளி சென்ற மாணவர்கள் மீது தாறுமாறாகச் சென்ற கார் மோதியது கிராம மக்களை சோகத்தில் ஆழ்த்தியது.