திருநெல்வேலி மாவட்டத்தில் உள்ள முக்கிய சுற்றுலா தலங்கள் - பார்த்து என்ஜாய் பண்ணுங்க!

மாவட்டமானது மேற்கே மாவட்டம் மற்றும் கேரள மாநிலம், தென்கிழக்கில் மன்னார்வளைகுடா, வடக்கே , கிழக்கே , தெற்கே மாவட்டங்களால் சூழப்பட்டுள்ள அழகிய மாவட்டம் ஆகும். இங்கே ஏராளமான புகழ்பெற்ற சுற்றுலா தலங்கள் அமைந்துள்ளன.

திருநெல்வேலியில் உள்ள அருள்மிகு நெல்லையப்பர்-காந்திமதி அம்மன் திருக்கோவில் புகழ்பெற்ற சுற்றுலா தலமாகவும் ஆன்மின தலமாகவும் இருந்து வருகிறது.

இந்த தலத்தில் உள்ள அம்பாள் காந்திமதி அம்மை, வடிவுடை அம்மை, திருக்காமக்கோட்டமுடைய நாச்சியார் என்ற பெயர்களிலும் அழைக்கப்படுகிறார். திருஞான சம்பந்தர் பாடல் பெற்ற தலங்களில் பாண்டிய நாட்டுத் தலங்களில் இதுவும் ஒன்றாகும்.

அகஸ்தியா் அருவி : திருநெல்வேலியில் இருந்து 42 கி.மீ தொலைவில் அமைந்துள்ளது அழகே வடிவாய் ஆர்ப்பரித்து கொட்டும் பாபநாசம் அருவி, இது அகஸ்தியர் அருவி என்று அழைக்கப்படுகிறது. அகஸ்தியத்திற்கு முன் சிவன் மற்றும் பார்வதி தோன்றிய இடத்தில் அமைந்துள்ளதாக நம்பப்படுகிறது.

பாபநாசம் என்பதன் பொருள் பாவங்களை நிவர்த்தி செய்வது என்பதாகும். இந்த அருவியில் இருந்து விழும் நீரில் குளித்தால் பாவங்களில் இருந்து விடுபடலாம் என்ற நம்பிக்கை நிலவுகிறது. இது திருநெல்வேலி மாவட்டத்தில் உள்ள முக்கிய சுற்றுலா தலமாகத் திகழ்கிறது.

பாபநாசம் அணை : திருநெல்வேலியில் இருந்து சுமார் 50 கி.மீ. தொலைவில் உள்ளது இந்த அழகிய அணை. இது திருநெல்வேலி மாவட்டத்தின் ஒரு முக்கிய அணையாகும். திருநெல்வேலி, தூத்துக்குடி, விருதுநகர் மற்றும் தென்காசி மாவட்டங்களின் குடிநீர் தேவைக்கான முக்கிய ஆதாரமாக இந்த அணை இருந்து வருகிறது. இந்த அணையை சுற்றுலா பயணிகள் காணத்தவறக் கூடாத இடம்.

மணிமுத்தாறு அருவி: மலைமீது அமைந்திருக்கும் மணிமுத்தாறு அருவியில் ஆண்டு முழுவதும் தண்ணீர் கொட்டும். இந்த அருவி 25 அடி உயரம் கொண்டது.

குளிக்கும் இடத்தில் அருவியின் உயரம் 17அடியாகும். அருவிக்கு கீழே 80அடி ஆழத்துக்கு நீச்சல் குளத்தைப் போன்ற அமைப்புள்ளது. இந்த மணிமுத்தாறு அருவியின் அழகும், இங்கே குளிப்பதால் ஏற்படும் சுகமும் அலாதியானது.

இங்கு வருபவர்கள் அருகில் இருக்கும் மணிமுத்தாறு அணையையும் கண்டு ரசிக்கலாம். பெரிய மணிமுத்தாறு அணையில் பூங்கா, சிலைகள், தோப்பு, செயற்கைக்குகை, கோழிப்பண்ணை, மீன்பண்ணை, விதைப்பண்ணை முதலியவை இருக்கின்றன.

களக்காடு மற்றும் முண்டந்துறை வனவிலங்கு சரணாலயம் முக்கிய சுற்றுலா தலமாகத் திகழ்கிறது. இங்கே புள்ளி மான்கள், சிங்கவால் குரங்குகள், யானைகள், புலிகள் ஆகியவை நிறைய காணப்படுகின்றன.