பொங்கல் பண்டிகையொட்டி புதியம்புத்தூர் ஆட்டு சந்தையில் ஒன்றரை கோடிக்கு ஆடுகள் விற்பனை

தூத்துக்குடி மாவட்டத்தின் வடபகுதியில் நடைபெறும் முக்கிய ஆட்டுச் சந்தைகளில் ஒன்று புதியம்புத்தூர் ஆட்டுச் சந்தை. இன்று இங்கு பொங்கல் பண்டிகையொட்டி சிறப்பு ஆட்டுச் சந்தை நடைபெற்றது.

இதில்  குறுக்குச்சாலை, எப்போதும் வென்றான், பாஞ்சாலங்குறிச்சி, வேடநத்தம், ஓட்டப்பிடாரம், கவர்னகிரி, தட்டாப்பாறை, புதுக்கோட்டை, வாகைகுளம் உள்ளிட்ட பல்வேறு பகுதிகளில் இருந்து ஆடுகள் இங்கு விற்பனைக்கு கொண்டுவரப்பட்டது

மாவட்டத்தின் பல்வேறு பகுதிகளில் இருந்து ஆடுகளை வாங்க வந்திருந்த வியாபாரிகள் ஆடுகளின் வளர்ச்சிக்கும், திரட்சிக்கும் ஏற்றபடி  ஆட்டுக்குட்டிகளை ரூபாய் 1500 இருந்து பெரிய உயரமான ஆடுகளை 54 ஆயிரம் ரூபாய் வரை பேரம் பேசி வாங்கி சென்றனர்.

காலை 6 மணிக்கு தொடங்கிய இந்த ஆட்டுச் சந்தை காலை 10 மணி வரை நடைபெற்றது.

குறுக்குச்சாலை, எப்போதும் வென்றான், பாஞ்சாலங்குறிச்சி, வேடநத்தம், ஓட்டப்பிடாரம் உள்ளிட்ட பகுதிகளில் இருந்து ஆடுகளை வாங்கி சென்றனர்

இதில் சுமார் 1500 க்கு மேற்பட்ட ஆடுகள் விற்பனை செய்யப்பட்டன. சுமார் ஒன்றரை கோடி ரூபாய்க்கு ஆடுகள் விற்பனையாகியுள்ளது.