சுருளி அருவி தெரியும்... இந்த சின்ன சுருளி அருவி தெரியுமா!? - தேனியில் மிஸ் பண்ணக்கூடாத அழகான இடம்!

மாவட்டதில் உள்ள சின்ன சுருளி அருவியானது, கடமலைக்குண்டு கிராமத்தில் இருந்து 15கி.மீ தொலைவில் இயற்கை எழிலோடு அமைந்துள்ளது. யிலில் இருந்து 95 கிலோமீட்டர் தூரத்தில் உள்ளது. மதுரையில் இருந்து சொந்த வாகனத்தில் சென்றார் 2 மணி நேரத்தில் சென்றடையலாம்.

தேனியில் இருந்து இந்த சின்ன சுருளி அருவிக்கு செல்ல வேண்டும் என்றால், கடமலைக்குண்டு வழியாக செல்லலாம். தேனியிலிருந்து கடமலைக்குண்டுக்கு பேருந்து வசதி இருக்கிறது. அங்கிருந்து மினி பஸ், ஆட்டோ மூலம் சின்ன சுருளி அருவிக்கு செல்லலாம். மதுரையில் இருந்து பொதுப் போக்குவரத்தில் செல்ல நினைப்பவர்கள் ஆண்டிபட்டி சென்று அங்கிருந்து கடமலைக்குண்டு வழியாக செல்லலாம்.

இந்த சின்ன சுருளி அருவி இருக்கும் இடம், மேகமலை வன உயிரின சரணாலயத்திற்கு உட்பட்ட பகுதி. எனவே அருவி வனத்துறையின் கட்டுப்பாட்டில் இருக்கிறது. இங்கே காலை 7 மணி முதல் மாலை 5 மணி வரை அருவிக்குச் சென்று குளிக்க அனுமதி வழங்கப்படுகிறது.

இந்த அருவி இருக்கும் இடமானது, பசுமை நிறைந்த அழகிய வனப்பகுதி அமைந்திருப்பதால் இந்த பயணம் உங்களுக்கு மிகுந்த மகிழ்ச்சையையும் உற்சாகத்தையும் கொடுக்கும்.

இந்த அருவி இருக்கும் இடத்தில், பெண்களுக்கு உடைமாற்றும் அறையோ, கழிப்பிட வசதிகளோ இல்லை எனவே, அதற்பேற்ற முன்னேற்பாடுகளுடன் இங்கே குடும்பத்தோடு வந்து குளித்து களித்து மகிழலாம்.

இங்கே வரும் சுற்றுலா பயணிகள் வீட்டில் இருந்தே உணவை கையோடு எடுத்துவந்து குடும்பத்தோடு சாப்பிடலாம். அல்லது, அருகிலுள்ள கடமலைக்குண்டு, ஆண்டிபட்டியில் போன்ற இடங்களில் சுவையான உணவைக் கொண்ட உணவகங்களும் இருக்கின்றன.

இந்த சின்ன சுருளி அருவி கோடைக்காலத்தில் நீரின்றி வறண்டுவிடுவது வழக்கம். இயற்கையில் பல அற்புதங்களை ரசித்தவாறு அருவியில் குளிக்க வேண்டும் என்றால், அக்டோபர் மாதம் முதல் டிசம்பர் மாதம்வரை இந்த அருவிக்கு வரலாம். இந்தக் காலகட்டத்தில் வரும்போதும் நீர் வரத்து நிலவரத்தை தெரிந்து கொண்டு வருவதே நல்லது.

இந்த அருவியானது வனத்துறையின் கட்டுப்பாட்டில் இருப்பதால், பாதுகாப்பு கருதி நீர் வரத்து அதிகரிக்கும் நேரத்தில் குளிக்கத் தடை விதிக்கப்படும் எனவே, இங்கு வரும் முன்னர் நீர் வரத்து நிலவரத்தை தெரிந்துகொண்டு வந்து மகிழ்ச்சியாக குளித்து உற்சாகத்துடன் திரும்புங்கள்.