மகா சிவாராத்திரி 2023 : தஞ்சை பெரிய கோவிலில் கட்டுக்கடங்காத கூட்டம்..!

உலக புகழ்பெற்ற தஞ்சை பெரிய கோயிலில் மாதம் இருமுறை பிரதோஷ வழிபாடு வெகு விமர்சையாக கொண்டாடப்படும்.

இன்று மகா சிவராத்திரி மற்றும் மகா சனி பிரதோஷத்தை முன்னிட்டு பெருவுடையாருக்கு ஏற்ற பெருநந்திக்கு மஞ்சள், சந்தனம், பால், தயிர், திரவிய பொடி, இளநீர், கரும்பு சாறு உள்ளிட்ட 9 வகையான திரவியங்களால் அபிஷேகம் நடைபெற்றது.

பின்னர் அலங்கரிக்கப்பட்ட நந்தியம் பெருமானுக்கு மகா தீபாரதனை காட்டப்பட்டது.

இதில் ஆயிரக்கணக்கான பக்தர்கள் கலந்துகொண்டு சாமி தரிசனம் செய்தனர்.

மேலும் தஞ்சை பெரிய கோவிலில் சிவராத்திரியை முன்னிட்டு இன்று இரவு 5 கால பூஜைகள் நடைபெற உள்ளது.

மேலும் இரவு முழுவதும் கலை நிகழ்ச்சிகள் நடைபெறவுள்ளது.

இதற்காக தற்போது முதலே கோவிலில் ஆயிரக்கணக்கான பக்தர்கள் குவிந்து வருகின்றனர்.

மேலும் கோவிலில் ஆயிரக்கணக்கான பக்தர்கள் உள்ளே வர முடியாமலும், வெளியே போக முடியாமலும் சிக்கி தவித்து வருகின்றனர்.

கூட்ட நெரிசலில் குழந்தைகள். முதியோர்கள் என அவதியடைகின்றனர்.

காவல்துறையினர் பாதுகாப்பு பணியில் இல்லாததே இதற்கு காரணம் என குற்றச்சாட்டு எழுந்துள்ளது.