தஞ்சை பெரிய கோயில் சதய விழாவில் என்னென்ன நிகழ்வுகள் நடக்கும் தெரியுமா?

மாமன்னன் ராஜராஜசோழன் முடிசூட்டிய நாள் அவர் பிறந்த விண்மீனாகிய ஐப்பசி சதய நாளன்று சதய விழாவாகக் கொண்டாடப்படுகிறது. இந்த ஆண்டு மாமன்னன் ராஜராஜசோழனின் 1037 ஆவது சதய விழா,   மாவட்ட கலெக்டர் தினேஷ் பொன்ராஜ் ஆலிவர் தலைமையில் நாளை (நவ. 01) காலை 9 மணிக்கு தொடங்குகிறது.

தொடக்க விழாவையடுத்து தஞ்சை தமிழ்ப் பல்கலைக்கழகத் துணைவேந்தர் திருவள்ளுவன் தொடங்கி வைக்கும் மாமன்னன் ராஜராஜ சோழன் தொடர்பான கருத்தரங்கம் நடைபெறுகிறது.

பின்னர், மாலையில் திருமுறைப் பண்ணிசை, பரதம், நாதசங்கமம், வயலின் இன்னிசை, கவியரங்கம் உள்ளிட்ட நிகழ்ச்சிகள்‌ நடைபெறவுள்ளன. இரவு 8.30மணியளவில் நகைச்சுவை சிந்தனை பாட்டுபட்டி மன்றமும் நடைபெறவுள்ளது.

சதய விழா நாளான 3-ந் தேதி காலை 7 மணிக்கு கோவில் பணியாளர்களுக்கு புத்தாடை வழங்குதல், 7.30 மணிக்கு மாமன்னன் சிலைக்கு மாலை அணிவித்தல், திருமுறைத் திருவீதி உலா, காலை 8.30 மணிக்கு பெருவுடையார், பெரியநாயகிக்கு பேரபிஷே கம், பெருந்தீப வழிபாடு நடைபெறுகிறது.

மாலையில் குரலிசை, திருமுறைப் பண்ணிசை அரங்கம், திருநெறி தமிழிசை நடைபெறவுள்ளன. இரவு 7 மணியளவில் நடைபெறும் நிறைவு விழாவில் தஞ்சாவூர் பெரிய கோயில் அகத்திய சன்மார்க்க சங்கச் செயலர் சிவ. அமிர்தலிங்கம், தஞ்சாவூர் மருத்துவக் கல்லூரி ஓய்வு பெற்ற முதல்வர் பி.ஜி. சங்கரநாராயணன், சைவ சித்தாந்தப் பேராசிரியர் வீ. ஜெயபால் ஆகியோருக்கு மாமன்னன் ராஜராஜன் விருது வழங்கப்படவுள்ளது.

இதையடுத்து, இரவு 8 மணிக்கு தேன்மொழி ராஜேந்திரனின் நையாண்டி மேள நிகழ்ச்சி, ஆந்திரப் பிரதேச கல்பனா குழுவினரின் குச்சிப்புடி நிகழ்ச்சிகள் நடைபெற உள்ளன.

மேலும் தஞ்சை மேயர் நேற்று இரவு முன்னேற்பாடு பனிகள் ஆய்வை மேற்கொண்டார்..அதில் அவர் கூறுகையில்: நாளை (நவ 2) நடக்க இருக்கும் மாமன்னன் இராஜராஜ சோழனின் 1037 சதய விழாவை ஒட்டி  பல முன்னேற்பாடுகள் செய்யப்பட்டு வரும் நிலையில் தஞ்சை மாநகராட்சி சார்பில் நானும், ஆணையரும் ஆய்வு  நடத்தினோம்‌.

தஞ்சை முழுவதும் மின் விளக்குகளால் அலங்கரிக்கப்பட்டுள்ளது.  விழாவை கான வரும் வெளிமாநில, வெளி மாவட்ட மக்களுக்கு தகுந்த வசதிகளை ஏற்படுத்தியுள்ளோம்.

குடிநீர் வசதி, வாகன நிறுத்தும் வசதி சிறப்பாக செய்யப்பட்டுள்ளது . கடந்த ஆண்டை விட இந்த ஆண்டு அதிக மக்கள் வருவார்கள் ஏனெனில் பொன்னியின் செல்வன் படத்தின் தாக்கம் மக்களிடையே எழுச்சியை அதிக அளவில் ஏற்படுத்தியுள்ளது.” எனவும் கூறினார்..