டொயோட்டாவைப் பின்னுக்குத் தள்ளி முதலிடம் பிடித்த டெஸ்லா

டெஸ்லா நிறுவனத்தின் ஒரு பங்கின் மதிப்பு நேற்று 1,130 டாலர் வரை உயர்ந்ததால் டொயோட்டாவைப் பின்னுக்குத் தள்ளி டெஸ்லா முதலிடம் பிடித்துள்ளது.

டொயோட்டா நிறுவனத்தின் சொத்து மதிப்பு 203 பில்லியன் டாலராக இருக்கும் நிலையில் டெஸ்லாவின் சொத்து மதிப்பு 209 பில்லியன் டாலராக உயர்ந்துள்ளது.

கடந்த ஆண்டு டொயோட்டா ஒரு கோடி வாகனங்களை விற்பனை செய்துள்ள நிலையில், டெஸ்லா 3,67,200 வாகனங்களை மட்டுமே விற்றுள்ளது.

ஆனாலும் டெஸ்லாவின் சொத்து மதிப்பு உயர்ந்ததற்கு முதலீட்டாளர்கள் அதனை ஒரு வாகன உற்பத்தி நிறுவனமாகப் பார்க்காமல் தொழில்நுட்ப நிறுவனமாகப் பார்த்ததே காரணம் என பொருளாதார நிபுணர்கள் தெரிவித்துள்ளனர்.