பிரமிடு, வில்லிசை, கிராமிய நடனம்.. தென்காசியில் குடியரசு தின கொண்டாட்டம் (புகைப்படங்கள்)

நாடு முழுவதும் 74-வது குடியரசு தின விழா சிறப்பாக கொண்டாடப்பட்டது.

டெல்லியில் குடியரசுத் தலைவர் திரௌபதி முர்மும், மாநிலங்களில் ஆளுநர் தேசியக் கொடியை ஏற்றினர்.

அதேபோல ஒவ்வொரு மாவட்டங்களிலும் மாவட்ட ஆட்சித் தலைவர் கொடி ஏற்றி அணிவகுப்பு மரியாதையை ஏற்றுக்கொள்வர்.

தென்காசி மாவட்டம் இ.சி.ஈ அரசு ஆண்கள் மேல்நிலைப்பள்ளி மைதானத்தில் நடைபெற்ற 74-வது குடியரசு தினவிழா நிகழ்ச்சியில் ஆட்சித்தலைவர் ஆகாஷ் தேசியக் கொடியினை ஏற்றி மரியாதை செலுத்தி காவல் துறையினரின் அணிவகுப்பு மரியாதையை ஏற்றுக்கொண்டார்.

தென்காசி மாவட்ட ஆட்சித்தலைவர் மற்றும் மாவட்ட காவல் கண்காணிப்பாளர் ஆகியோர் சமாதான புறாக்களை வானில் பறக்க விட்டார்கள்.

அதனைத்தொடர்ந்து, சுதந்திர போராட்ட தியாகி லெட்சுமிக் காந்தன் பாரதி(ஒய்வு) 

சாவடி சொக்கலிங்கப்பிள்ளை அவர்களின் வாரிசுதாரரான முத்தம்மான் ஆகியோருக்கு பொன்னாடை அறிவித்து கௌரவிக்கப்பட்டது.

மேலும், காவல்துறையில் சிறப்பாக பணியாற்றிய 47 காவலர்களுக்கு தமிழக முதலமைச்சர் பதக்கங்களையும்,

வருவாய்த்துறை மற்றும் பிறத்துறைகளில் சிறப்பாக பணிபுரிந்த 257 பணியாளர்களுக்கு நற்சான்றிதழ்களையும் மாவட்ட ஆட்சித்தலைவர் வழங்கினார்.

காவல்துறையில் சிறப்பாக செயலாற்றிய 20 காவலர்களுக்கும், தீயணைப்பு துறையில் சிறப்பாக பணியாற்றிய 5 தீயணைப்பாளர்களுக்கும் சான்றிதழ்கள் வழங்கப்பட்டன.

அதனைத்தொடர்ந்து, நேஷனல் நர்சரி & பிரைமரி பள்ளியின் மூலம் அணிவகுப்பு, IC1 அரசு ஆண்கள் மேல்நிலைப் பள்ளியின் மூலம் இசை(பியானோ), ஊராட்சி ஒன்றிய நடுநிலைப்பள்ளியின் மூலம் கிராமிய நடனம் (அழிந்து வரும் நாட்டுப்புற கலைகள்),

அரசு மேல்நிலைப்பள்ளியின் மூலம் பாரம்பரிய இனச ( எக்காளம்), ஸ்ரீராம் மெட்ரிக் மேல்நிலைப்பள்ளியின் மூலம் பிரமிடு, அரசு மேல்நிலைப் பள்ளியின் மூலம் வில்லிசை ( சுற்றுச் சூழல் விழிப்புணர்வு),

 புனித அருளானந்தர் மேல்நிலைப்பள்ளியின் மூலம் கிராமிய நடனம் (நாட்டு வளங்கள் பற்றிய தேசப்பற்றுப் பாடல்) ஆகிய கலைநிகழ்ச்சிகள் நடைபெற்றன.

இந்நிகழ்ச்சியில் மாவட்ட காவல் கண்காணிப்பாளர் சாம்சன், தென்காசி சட்டமன்ற உறுப்பினர் பழனி நாடார், மாவட்ட வருவாய் அலுவலர் பத்மாவதி, மாவட்ட ஊராட்சி குழுத்தலைவர் தமிழ்ச்செல்வி, மாவட்ட ஊராட்சி துணைத் தலைவர் உதய கிருஷ்ணன், மாவட்ட ஆட்சியரின் நேர்முக உதவியாளர் முத்துமாதவன் கலந்துகொண்டனர்.

மாவட்ட ஆட்சியரின் நேர்முக உதவியாளர் கனகம்மாள், மாவட்ட முதன்மை கல்வி அலுவலர் கபீர், வேளாண்மை இணை இயக்குநர் தமிழ்மலர், தோட்டக்கலைத் துறை துணை இயக்குநர் ஜெயபாரதி மாலதி, துணை இயக்குநர் (சுகாதாரப் பணிகள்) முரளி சங்கர், மாவட்ட வழங்கல் அலுவலர் சுதா, தென்காசி வட்டாட்சியர் ஆதிநாராயணன், மற்றும் அனைத்து அரசுத்துறை அலுவலர்கள், காவல் துறை அலுவலர்கள், பொதுமக்கள் ஆகியோர் கலந்து கொண்டனர்.

கலைநிகழ்ச்சியில் மாணவிகள்

கலைநிகழ்ச்சியில் மாணவர்கள்

கிராமிய நடனம் ஆடும் மாணவிகள் | புகைப்படங்கள் - சுப கோமதி