புஷ்பா படத்தின் ஃபேமஸ்ஸான இந்த சீன் நம்ம தென்காசியில் தான் எடுக்கப்பட்டது - எங்கு தெரியுமா?

மாவட்டத்தில் ஏராளமான திரைப்படங்கள் ஷுட்டிங் செய்யப்பட்டுள்ளன. அந்த வகையில் சுமார் 50 ஆண்டுகளாக பிடப்பிடிப்பு தமாகவும், சமீபத்தில் வெளியான புஷ்பா படத்தின் ஃபேமஸ்ஸான காட்சிகள் சிலவும் இங்குதான் எடுக்கப்பட்டது. இந்த இடத்தை பற்றியும், இந்த இடத்தில் எடுக்கப்பட்ட மற்ற திரைப்படங்கள் குறித்தும் பார்ப்போம்.

தென்காசி மாவட்டத்தில் குற்றாலம் - செங்கோட்டை - பண்பொழி மார்க்கத்தில் குற்றாலத்தில் இருந்து 12 கி.மீ தொலைவில் ஒரு சிறிய மலை மீது அமைந்திருக்கிறது திருமலை கோவில். இங்கிருக்கும் முருகப் பெருமானை திருமலைகுமாரசாமி என்ற அழைக்கின்றனர். முருகனின் பழமையான தலங்களில் ஒன்றாக இது போற்றப்படுகிறது.

இந்த திருமலைக்கோவிலுக்கு வாகனங்களில் செல்வதற்கு சாலை வசதியும், நடந்து செல்வதற்கு படிக்கட்டுகளும் அமைக்கப்பட்டுள்ளன. சுமார் 500 அடி உயரமுடைய ஒரு குன்றின் மீது அமைந்துள்ளது. இந்த திருக்கோவில் தமிழகத்தின் மேற்கு அரணாக விளங்கும் மேற்கு தொடர்ச்சி மலைக்கு அருகில் இயற்கை அழகு சூழ அமைந்திருக்கிறது.

இந்த திருமலையையும், இங்கிருக்கும் கோவிலையும் பல்வேறு திரைப்படங்களில் பார்த்க்க முடியும். அந்த வகையில், இது தென்காசி மாவட்டத்தில் உள்ள முக்கிய ஷுட்டிங் ஸ்பாட்டாக இருந்து வருகிறது.

ஷங்கர் இயக்கத்தில் 1993ம் ஆண்டு அர்ஜூன் நடித்த ஜென்டில்மேன் படத்தில் இடம் பெற்ற ‘உசிலம்பட்டி பெண்குட்டி’ பாடலில் வரும் சில காட்சிகள் இந்த திருமலைக்கோவிலுக்கு அருகில்தான் எடுக்கப்பட்டது.

ஏ.வெங்கடேஷ் இயக்கத்தில், விஜய் - சுவாதி நடிப்பில் 1996ம் ஆண்டு வெளியான செல்வா படத்தில் இடம்பெற்ற ‘பொட்டபுள்ள மனசு அதில் என்ன இருக்கு’ என்ற பாடல் காட்சி ஒன்றை திருமலை கோவிலுக்கு அருகில் உள்ள சின்னமலை மீது எடுத்திருப்பார்கள். அந்த காட்சியில் இந்த திருமலைக்கோவிலை பார்க்கலாம்.

பாரதி கண்ணன் இயக்கத்தில் பிரபு - ரோஜா, மனோரமா உள்ளிட்டோர் நடிப்பில், 2000ம் ஆண்டு வெளியான திருநெல்வேலி படத்தில் வரும் ஒரு பாடலில் இந்த திருமலைக்கோவிலை அழகாக காட்டியிருப்பார்கள்.

முரளி நடிப்பில் வெளியான ‘தினந்தோறும்’ படத்தில் கதாநாயகனான முரளியுடன், கதாநாயகியான சுவலட்சுமி “பொண்ணுக்கு பர்த்டேனா நைட் 12 மணிக்கு முதலில் பிறந்தநாள் வாழ்த்து சொல்ல காதலன் பொக்கேவோடபோய் நிற்பான அது லவ்” என்று பேசும் காட்சியின் பின்புறத்தில் இந்த திருமலைக்கோவிலை பார்க்கலாம்.  இதேபோல கோவில் படிக்கட்டுகளிலும் சில காட்சிகள் எடுக்கப்பட்டிருக்கும்.

சிவகார்த்திகேயன் நடித்த சீமராஜா படத்தில் வரும் ‘வாரேன் வாரேன் சீமராஜா’ பாடலில் ‘எதிரியாவே இருந்தாலும் அவனை மதிக்க பழகணுண்டா ’ என்ற வரிகள் இடம்பெறும்போது வரும் பிண்ணணி காட்சி இந்த திருமலைக்கோவில் மீதுதான் எடுத்திருப்பார்கள்.

விஜய்சேதுபதி - அஞ்சலி நடித்த சிந்துபாத் படத்தில், “நான் யாருக்கு சொன்னது உன்காதில் விழுந்தால் அதற்கு நானா பொறுப்பு, நீ என் கண்ணை பார்த்திருந்தால் புரிந்திருக்கும்“ என்று விஜய்சேதுபதியிடம் அஞ்சிலி கோவில் படிக்கட்டு மண்டபத்திற்கு அருகில் நின்றுகொண்டு கோபமாக பேசும் காட்சி இந்த திருமலைக் கோவில் படிக்கட்டுகளில்தான் படமாக்கப்பட்டது.

அல்லு அர்ஜுன் - ராஷ்மிகா மந்தனா நடிப்பில் பல்வேறு மொழிகளில் வெளியாகி நாடு முழுவதும் ஃபேமஸ்ஸான புஷ்பா படத்தின் ஸ்ரீவள்ளி பாடலின் சில காட்சிகள் இந்த திருமலை கோவிலுக்கு அருகில்தான் எடுக்கப்பட்டது.

அந்த காட்சியில் இந்த மலையை பிண்ணணியில் பார்க்க முடியும். இதேபோல, லாரிக்கு டயர் மாட்டும் காட்சிகள் இந்த மலைக்கு செல்லும் பாதியில்தான் எடுத்திருப்பார்கள்.

அதேபோல், வேறொரு காட்சியில் ‘ஏண்டா எல்லோரும் வானத்தை இப்படி பாக்கறாங்க’ என்று கேட்பார், அதற்கு அவரின் நண்பர் ‘பறவைக்காக மச்சான்’ என்று பதிலளிப்பார். இந்த காட்சிகள் திருமலைக்கோவிலுக்கு அடிவாரத்தில் இருக்கும் நுழைவு வாயில் அருகில்தான் எடுத்திருப்பார்கள்.

அதே படத்தில், நண்பனை படிக்கட்டில் காதைப்பிடித்து இழுத்துக்கொண்டு கீழிறங்கி வரும் காட்சிகளும் இந்த கோவில் படியில்தான் ஷுட் செய்யப்பட்டது. இதேபோல் புஷ்பா படத்தின் பல காட்சிகள் இந்த கோவிலில் எடுக்கப்பட்டன.

மேலும், முத்துராமலிங்கம் - கே.ஆர்.விஜயா நடிப்பில், 1969ல் வெளியான ‘கண்ணே பாப்பா படதில் வரும் சில பாடல் காட்சிகள், விஜயகாந்தி நடித்த வேலுண்டு விணையில்லை படத்தின் பெரும்பாலான காட்சிகள் இங்குதான் எடுக்கப்பட்டது. அந்த படத்தில் ‘திருமலை குமாரசாமி’ என்ற பாடல் இந்த கோவிலில் உள்ள முருகனே போற்றி எழுதப்பட்டது.

இதேபோல் ஏராளமான திரைப்பட காட்சிகள் இந்த திருமலை கோவிலில்தான் எடுக்கப்பட்டது. அந்த வகையில், தென்காசி மாவட்டத்தில் உள்ள முக்கிய சூட்டிங் ஸ்பாட்டாக இந்த கோவிலும், இதற்கு அருகில் இருக்கும் சின்னமலையும் திகழ்கிறது.