அட்வெஞ்சர் ஸ்போர்ட்ஸ் டூரிசம்.. குண்டாறு அணையில் கேம்ப் ஸ்டே.. மெருகேறப்போகும் குற்றாலம்..

தென்காசியில் குற்றால அருவிகளை மேம்படுத்தும் விதமாகவும்,சுற்றுலா பயணிகளை கவரும் வகையிலும் சாகச விளையாட்டு முகாம் விரைவில் தொடங்கப்பட உள்ளதாக  பேட்டி

தென்காசி மாவட்டம் மேற்கு தொடர்ச்சி மலையடிவாரப் பகுதிகளில் இயற்கையாக வரக்கூடிய நீர் வழித்தடங்களை மறித்து செயற்கை நீர்வீழ்ச்சிகள் உருவாக்கப்பட்டு வருகிறது.

பல்வேறு சமூக ஆர்வலர்கள், சுற்றுலா பயணிகள் எதிர்ப்பு தெரிவித்து மாவட்ட ஆட்சியரிடம் நடவடிக்கை எடுக்க கோரி மனு கொடுத்தனர் அதன்படி மாவட்ட நிர்வாகம் சார்பில் செயற்கை நீர்வீழ்ச்சிகள் மீது நடவடிக்கை ஆட்சியர் ஆகாஷ் உத்தரவிட்டார்.

அதன் தொடர்ச்சியாக இன்று  மேக்கரை, ஐந்தருவி, குற்றாலம் உள்ளிட்ட பகுதிகளில் உள்ள செயற்கை நீர்வீழ்ச்சிகளை மாவட்ட ஆட்சியர் ஆகாஷ் தலைமையில் சுற்றுலாதுறை இயக்குனர் சந்தீப் நந்தூரி, மற்றும் வனத்துறை உயரதிகாரிகள், பொதுப்பணித்துறை உயரதிகாரிகள், வருவாய் துறையினர் உள்ளிட்டோர் நேரில் ஆய்வு மேற்கொண்டனர்.

இதனைத் தொடர்ந்து சுற்றுலாத்துறை இயக்குனர் சந்தீப் நந்தூரி செய்தியாளர்களிடம் கூறுகையில்தென்காசி மாவட்டத்தில் குற்றாலத்தில் உள்ள அணைத்து அருவிகளையும் மேம்படுத்தும் நோக்கில் ரூ15 கோடி மதிப்பீட்டில் திட்டப்பணிகள் நடைபெற உள்ளது அதற்கான டெண்டர்கள் விடப்பட்டுள்ளதாகவும் விரைவில் அந்தப் பணிகள் நடைபெறும் எனவும் கூறினார்.

சுற்றுலா பயணிகளை கவரும் வகையில் குண்டாறு அணைப்பகுதிகளில் படகு போட்டி நடத்தவும் ஏற்பாடு

சுற்றுலா பயணிகளை கவரும் வகையில் கேம்ப் அமைத்து தங்கவும் முடிவு செய்யப்பட்டுள்ளது

சாகச விளையாட்டு முகாம் விரைவில் தொடங்கப்பட உள்ளதாக சுற்றுலாத்துறை இயக்குனர் சந்தீப்நந்தூரி பேட்டி