யூடியூப் விளம்பரம் இனி வராது.. முக்கிய மாற்றத்தை கொண்டு வரும் கூகுள்!

கூகுளுக்கு சொந்தமான வீடியோ ஸ்ட்ரீமிங் தளமான யூடியூப் தனது வருவாயை அதிகரிப்பதற்காக பல்வேறு முயற்சிகளை மேற்கொண்டு வருகிறது.

முன்பெல்லாம் ஏதாவது ஒன்றிண்டு வீடியோக்களில் விளம்பரங்கள் ப்ளே ஆன நிலையில், தற்போது அனைத்து வீடியோக்களிலும் 2 முதல் 6 விளம்பரங்கள் வரை ஒளிபரப்பாகி வருகின்றன. விளம்பரங்களின் தொல்லை யின்றியூ-டியூப் வீடியோக்களை கண்டு ரசிக்க விரும்பும் யூஸர்களுக்காக யூ-டியூப் பிரீமியம் சந்தாவைக் கொண்டு வந்தது.

இத்திட்டத்தின் கீழ் சந்தாதாரர்கள் ரூ.129-யை செலுத்துவதன் மூலமாக விளம்பரமில்லா வீடியோக்கள், ஆஃப் லைனில் வீடியோக்களை டவுன்லோடு செய்து பார்ப்பது போன்ற வசதிகளை வழங்கி வருகிறது. இந்நிலையில் யூடியுப் “overlay ads” என்ற விளம்பர ஆப்ஷனை அடுத்த மாதம் முதல் நீக்கவுள்ளது.

யூடியூப்பில் வீடியோ பார்த்துக்கொண்டிருக்கும் போது வீடியோவின் மேல்பகுதியிலோ அல்லது கீழ்பகுதியிலோ செவ்வக வடிவில் குறிப்பிட்ட விளம்பரம் தோன்றும். இது பார்வையாளர்களுக்கு அசவுகரியத்தை கொடுப்பதாக பலரும் புகார் தெரிவித்தனர், இதனை ஒப்புக்கொண்டுள்ள யூடியூப் ஏப்ரல் 6 மாதல் அந்த விளம்பரம் வராது என குறிப்பிட்டுள்ளது.

ஏற்கெனவே செல்போனில் இந்த விளம்பரத்தை யூடியூப் நீக்கியுள்ள நிலையில் தற்போது கம்யூட்டர் வெர்ஷனிலும் நீக்கியுள்ளது. வருமானத்தை தரும் விளம்பரத்தை நீக்குகிறார்களா என ஒரு பக்கம் ஷாக் இருந்தாலும், அந்த விளம்பரத்தை விரைவில் வேறு வடிவில் கொண்டு வந்து யூடியூப் நிச்சயம் காசு பார்க்கும் என எதிர்பார்க்கப்படுகிறது