பத்தாயிரம் ரூபாய்க்கு புரோ போனா..? அசத்தும் டெக்னோ நிறுவனம்!

இப்போது புரோ மாடல் என்னும் பெயரில் ஹையர் டெக்னாலஜி அம்சங்கள் நிறைந்த செல்போன்கள் விற்பனைக்கு வருகின்றன. ஐம்பதாயிரம் ரூபாய் முதல் ஒரு லட்சம் ரூபாய் வரையிலும் பணம் கொடுத்து அந்த போனை வாங்கவும் தயாராக இருக்கிறார்கள் செல்போன் பிரியர்கள். காரணம், கேமரா முதல் கேமிங் வரை இந்த புரோ போன்களில் இருக்கும் ஹைஃபை அம்சங்கள்  தான். வழக்கமாக புரோ போன்களின் விலை ஐம்பதாயிரம் அறுபதாயிரம் இருக்கும் நிலையில் வெறும் பத்தாயிரத்திற்கும் பனிரெண்டாயிரத்திற்கும் புரோ போன்கள் கிடைக்கும் என்றால் நம்ப முடிகிறதா? நம்பச் சொல்கிறது டெக்னோ நிறுவனம்.

ஆம் மார்ச் இரண்டாவது வாரம் வாக்கில் தனது புதிய வரவான டெக்னோ ஸ்பார்க் புரோ 10 –போனை அறிமுகம் செய்ய உள்ளது. அதன் விலை பத்தாயிரத்தில் இருந்து பனிரெண்டாயிரத்திற்குள் தான் இருக்குமாம். விலை இவ்வளவு கம்மியாக இருக்கிறதே.. ஃபியூச்சர்ஸ் எப்படி  இருக்கும் என  சந்தேகப்படுபவர்களுக்காக இதோ அதன் விபரங்கள்…

டெக்னோ ஸ்பார்க் புரோ 10 போன் 8ஜிபி ரேம் மற்றும் 256ஜிபி இன்டெர்னல் ஸ்டோரேஜ் உடன் வெளிவரும். கூடுதல் ஸ்டோரேஜ் விருப்பத்திற்காக, இதில் மைக்ரோ SD கார்ட் ஸ்லாட் அம்சமும் இடம்பெறும் என்று எதிர்பார்க்கப்படுகிறது.

இந்த புதிய டெக்னோ ஸ்பார்க் புரோ 10போனின் முன்பக்க கேமரா 32 மெகாபிக்சல் ஷூட்டராக இருக்கும். அதேபோல், இதன் பின்புற கேமராவில் 50 மெகாபிக்சல் பிரைமரி கேமரா, AI லென்ஸ் மற்றும் டூயல் எல்இடி ஃபிளாஷ் போன்றவை இடம்பெறும் என்று கூறப்படுகிறது.

இதில் ப்ரோ மோட், ஏஐ பியூட்டி, சூப்பர் நைட் மோட், சூப்பர் போன்ற அம்சங்களுடன் இருக்கும். இந்த ஸ்மார்ட்போன் USB-C வழியாக சார்ஸ் ஏற்றுவசதியை கொண்டிருக்கும். இதில் 5,000mAh பேட்டரி பொருத்தப்பட்டிருக்கும். டெக்னோ ஸ்பார்க் புரோ 10 போன் மூன்று கண்கவர் வண்ணங்களில் வெளிவர இருக்கிறதாம்.

இதில் ஸ்டார்ரி பிளாக் மற்றும் பேர்ல் ஒயிட் மாடல்கள் ஸ்போர்ட்டிங் கிளாஸ் பேக் மற்றும் லூனார் எக்லிப்ஸ் வேரியண்ட் என கடினமான தோல் பூச்சு உடன் ஒரு மாடல் அறிமுகம் செய்யப்படும் என்று தெரிவிக்கப்பட்டுள்ளது.

பட்ஜெட் விலையில் பெஸ்ட் சாய்ஸ் ஆக இருக்குமென்று கூறப்படுகிறது. வரவிருக்கும் டெக்னோ ஸ்பார்க் 10 ப்ரோ ஸ்மார்ட்போன் இந்தியாவில் மார்ச் நடுப்பகுதியில் அறிமுகம் செய்யப்படும் என்று எதிர்பார்க்கப்படுகிறது.இதன் விலை ரூ.10,000 முதல் ரூ.12,000-க்குள் இருக்கும் என்றும் எதிர்பார்க்கப்படுகிறது. இந்த டெக்னோ ஸ்பார்க் புரோ 10 போன் மார்ச்சின் மத்தியில் வெளியாகும் என எதிர்பார்க்கப்படுகிறது. இதன் விலை பத்தாயிரத்தில் இரந்து பன்ரெண்டாயிரத்திற்குள் இருக்கும் என்றும் தெரிகிறது.