இந்தியாவில் அறிமுகமான HD Plus டிஸ்ப்ளே... AI டூயல் ரியர் கேமரா அம்சங்கள் கொண்ட Tecno Pop 7 Pro மொபைல்..!

சமீபத்தில் ஆப்பிரிக்க சந்தைகளில் Tecno Pop 7 Pro மொபைல் சைலென்ட்டாக அறிமுகப்படுத்தப்பட்ட நிலையில், தற்போது இந்தியாவில் டெக்னோ மொபைல் நிறுவனம் தனது லேட்டஸ்ட் மொபைலான Tecno Pop 7 Pro-வை அறிமுகப்படுத்தி இருக்கிறது.

சீன மொபைல் போன் உற்பத்தி பிராண்டான டெக்னோ மொபைல் தற்போது இந்தியாவில் அறிமுகப்படுத்தி இருக்கும் இந்த ஸ்மார்ட் ஃபோன் Pop சீரிஸின் கீழ் வரும் என்ட்ரி-லெவல் பட்ஜெட் மொபைல் ஆகும். புதிதாக அறிமுகப்படுத்தப்பட்டிருக்கும் Tecno Pop 7 Pro மொபைல் நல்ல கேமரா, நீண்ட பேட்டரி ஆயுள் மற்றும் பெரிய டிஸ்ப்ளே கொண்ட பட்ஜெட் ஸ்மார்ட் போனை வாங்க விரும்பும் யூஸர்களுக்காக டிசைன் செய்யப்பட்டுள்ளது. இந்த புதிய மொபைல் இன்-பாக்ஸ் 10W டைப் C சார்ஜருடன் வருகிறது மற்றும் இது ஒரு சக்திவாய்ந்த 5000mAh பேட்டரி பேக்கேஜை கொண்டுள்ளது. இந்த மொபைல் 29-நாள் ஸ்டாண்ட்பை டைம் மற்றும் 156 மணிநேரம் வரை மியூசிக் ப்ளேபேக் டைமையும் வழங்குவதாக Tecno நிறுவனம் உறுதியளிக்கிறது.

Tecno Pop 7 Pro- மொபைலின் விலை : இந்த புதிய மொபைல் 2GB+64GB மற்றும் 3GB+64GB என 2 ஸ்டோரேஜ் ஆப்ஷன்களில் வருகிறது. இவற்றின் விலை முறையே ரூ.6,799 மற்றும் ரூ.7,299 ஆகும். மேலும் இந்த மொபைல் என்ட்லெஸ் பிளாக் மற்றும் யுயுனி ப்ளூ (Uyuni Blue) உள்ளிட்ட 2 கலர் ஆப்ஷன்களில் கிடைக்கிறது. இந்த ஸ்மார்ட் போன் வரும் பிப்ரவரி 22,2023 முதல் அமேசான் இ-காமர்ஸ் வெப்சைட்டில் வாங்க கிடைக்கும்.

Tecno Pop 7 Pro மொபைலின் ஸ்பெசிஃபிகேஷன்ஸ் : இந்த மொபைல்90% ஸ்கிரீன் டு பாடி ரேஷியோவுடன் 6.56-இன்ச் HD+ டாட் நாட்ச் டிஸ்ப்ளே மற்றும் 120Hz டச் சேம்ப்பிளிங் ரேட்டை கொண்டுள்ளது. இதன் டிஸ்ப்ளே 1612x720 ரெசல்யூஷனுடன் 480நிட்ஸ் பீக் பிரைட்னஸை வழங்குகிறது. இந்த டூயல் நானோ 4G சிம்-சப்போர்ட் டிவைஸ் ஆண்ட்ராய்டு 12 அடிப்படையிலான HiOS 11.0-ல் இயங்குகிறது. புதிதாக அறிமுகப்படுத்தப்பட்ட இந்த டெக்னோ ஸ்மார்ட் போன் குவாட் கோர் மீடியாடெக் ஹீலியோ ஏ22 சிப்செட் மூலம் இயக்கப்படுகிறது. Tecno Pop 7 Pro மொபைல் 256GB வரை விரிவாக்கக்கூடிய பிரத்யேக ஸ்டோரேஜையும் கொண்டுள்ளது.

கேமராக்களை பொறுத்த வரை இந்த ஸ்மார்ட் ஃபோனில் AI மோடஸ் சப்போர்ட்டுடன் 12 மெகாபிக்சல் பிரைமரி டூயல் ரியர் கேமரா உள்ளது. இதன் முன் பக்கம் 5 மெகாபிக்சல் செல்ஃபி ஷூட்டர் கொடுக்கப்பட்டு உள்ளது. மேலும் டூயல் மைக்ரோ ஸ்லிட் ஃப்ளாஷ்லைட்டும் கொடுக்கப்பட்டு உள்ளது. இந்த ஃபோன் WiFi மற்றும் Bluetooth 5.0 கனெக்டிவிட்டியை சப்போர்ட் செய்கிறது.

Tecno Pop 7 Pro அறிமுகத்தின் மூலம் பெரிய ரேம், நம்பகமான பேட்டரி மற்றும் ஃபாஸ்ட் சார்ஜிங் தேவை உள்ளிட்ட நுகர்வோரின் ஸ்மார்ட் ஃபோன் எதிர்பார்ப்பை நிவர்த்தி செய்ய முடியும் என்று நம்புவதாக டெக்னோ மொபைல் நிறுவனத்தின் தலைமை நிர்வாக அதிகாரி அரிஜீத் தலபத்ரா கூறி இருக்கிறார்.