சாம்சங் கேலக்ஸி இசட் ஃபிளிப் இந்திய விலை அறிவிப்பு!

செல்போன் பிரியர்கள் ஆவலாக எதிர்பார்த்த சாம்சங் நிறுவனத்தின் கேலக்ஸி இசட் ஃபிளிப் மடிக்கக்கூடிய ஸ்மார்ட்போனின் இந்திய விலையை அந்நிறுவனம் அறிவித்துள்ளது.

இந்தியாவில் கேலக்ஸி இசட் ஃபிளிப் விலை ரூ. 1,09,999. இதற்கான முன்பதிவு இன்று தொடங்கியுள்ளது.

இன்ஃபினிட்டி ஃபிளெக்ஸ் என அழைக்கப் படும் இதன் டிஸ்ப்ளே 6.7 இன்ச் ஃபுல் ஹெச்.டி. பிளஸ் டைனமிக் AMOLED 2636x1080 பிக்சல் ரெசல்யூஷன் கொண்டது.

இதன் கேமரா வசதி, டூயல் பிரைமரி கேமராக்கள்: 12 எம்.பி, வைடு ஆங்கில் கேமரா f/1.8, 12 எம்.பி, அல்ட்ரா வைடு ஆங்கில் கேமரா, f/2.2 , முன்புறம் 10 எம்.பி. செல்ஃபி கேமரா f/2.4 , வழங்கப்பட்டுள்ளது.

ஸ்னாப்டிராகன் 855 பிளஸ் ஆக்டா கோர் பிராசஸர், 8 ஜி.பி. ரேம், 256 ஜி.பி. மெமரி வழங்கப்பட்டுள்ளது.

வெளி்ப்புறம் 1.1 இன்ச் சூப்பர் AMOLED டிஸ்ப்ளே 300x112 ரெசல்யூஷனில் வழங்கப்பட்டுள்ளது.

3300 எம்.ஏ.ஹெச். பேட்டரி மற்றும் ஃபாஸ்ட் சார்ஜிங் வசதி வழங்கப்பட்டுள்ளது.

இந்த ஸ்மார்ட் போனை வாங்குவோருக்கு, யூடியூப் பிரீமியம் சேவை சந்தா மற்றும் 12 மாதம் வரை அதிகபட்சம் வட்டியில்லா தவணை முறை வசதி அளிக்கப்படுகின்றது.

மேலும் விபத்து காப்பீடு, ஒரு முறை ஸ்கிரீன் பாதுகாப்பு, ஒரு வருடத்திற்கு சாம்சங் கேர் பிளஸ் பாதுகாப்பு வழங்கப்படுகிறது

சாம்சங் இ ஸ்டோரில் வாங்குவோருக்கு 10 நகரங்களில் பிரீமியம் வைட் குளோவ் டெலிவரி செய்யப்படும் என சாம்சங் தெரிவித்துள்ளது.