பழைய போனை கொடுத்தால் புது ஸ்மார்ட்போன்... ஜியோவின் சூப்பர் எக்ஸ்சேன்ஜ் சலுகை

ரிலையன்ஸ் ஜியோ நிறுவனத்தின் தயாரிப்புகள் மற்றும் சேவைகள் தற்போது மக்களிடையே முக்கியமான தேவைகளாக மாறிவிட்டன. மிகக்குறைந்த விலையில் இணைய சேவையை அளித்த ஜியோ, அடுத்ததாக லட்சக்கணக்கான இந்தியர்கள் பயனடையும் வகையில் மிகக்குறைந்த விலையில் ஸ்மார்ட்போனை அறிமுகம் செய்தது. கடந்த ஆண்டு க்கு ரிலையன்ஸ் ஜியோ நிறுவனம், ஜியோபோன் நெக்ஸ்ட் (Jiophone Next) ஸ்மார்ட்போனை அறிமுகம் செய்தது. தற்போது புதிய எக்ஸ்சேன்ஜ் சலுகை ஒன்றை அறிவித்துள்ளது.

இந்தச் சலுகை மூலம், வொர்க்கிங் நிலையில் இருக்கும் உங்களுடைய 4G ஸ்மார்ட்போனை எக்ஸ்சேன்ஜ் செய்து ஜியோ ஸ்மார்ட்ஃபோனை வாங்கலாம். உங்களுடைய பழைய, ஆனால் வேலை செய்யும் நிலையில் உள்ள எந்த 4ஜி ஆண்டிராய்டு போன் வேண்டுமானாலும் கொடுத்து ஜியோ நெக்ஸ்ட் போனை வாங்கலாம். எக்ஸ்சேன்ஜ் செய்தால், நீங்கள் செலுத்த வேண்டிய தொகை Rs. 4,449 மட்டுமே.

மேலும், தொடக்கத்தில் Rs. 1999 மட்டும் செலுத்தி, ஜியோ நெக்ஸ்ட் போனை நீங்கள் மாதாந்திர தவணையிலும் வாங்கலாம். ஸ்மார்ட்போனின் அசல் விலை ரூ. 6499. மீதமுள்ள தொகையை ஈஸி இஎம்ஐ திட்டங்களாக 18 மாதம் முதல் 24 மாதங்கள் வரை மாதாமாதம் செலுத்தலாம் என்று ஜியோ நிறுவனம் சில மாதங்களுக்கு முன் அறிவித்தது. தற்போது, புதிய எக்ஸ்சேன்ஜ் சலுகையை ஜியோ நிறுவனம் வெளியிட்டுள்ளது.

ஜியோபோன் நெக்ஸ்ட் ஸ்மார்ட்போன் கூகுள் நிறுவனத்துடன் பார்ட்னர்ஷிப் வைத்து உருவாக்கப்பட்டது. அது மட்டுமன்றி இதில் பிரகதி OS அடிப்படையிலான ஆண்ட்ராய்டு பிளாட்பார்ம் மற்றும் குவால்காம் ஸ்னாப்ட்ராகன் புராசசர் 215 processor ஆகியவை உள்ளன. இதில் 5.5 இன்ச் டிஸ்ப்ளே திரை, 13 MP ரியர் கேமரா மற்றும் 8 MP செல்பி கேமரா ஆகியவை உள்ளன.

தற்போது பல்வேறு நிறுவனங்களின் ஸ்மார்ட்போன்கள் யூசர்கள் மொழி விருப்பத்தைத் தேர்வு செய்யும் ஆப்ஷனுடன் வருகிறது. ஜியோபோன் நெக்ஸ்ட் இன்னும் ஒருபடி முன்னேறி சென்று படிக்க முடியாத மக்களுக்கான உள்ளடக்கத்தை அவர்கள் மொழியிலேயே மொழிபெயர்ப்பு செய்து திரையில் என்ன இருக்கிறது என்பதை குரல் வழியாக கேட்கும் வசதியை கட்டமைத்துள்ளது. இந்த சிறப்பம்சம் OS இன் Read Aloud மற்றும் மொழிபெயர்ப்பு அம்சங்கள்ஆகியவற்றுடன் இணைந்துள்ளது.

ஜியோ போன் நெக்ஸ்ட்டில் ஜியோ ஆப்ஸில் உள்ள பல்வேறு சேவைகள் பற்றிய தகவல்களை கூகுள் அசிஸ்டன்ட் வழியாக கேட்டு பெற முடியும்.அவ்வபோது புதுப்பிக்கப்படும் ஆண்ட்ராய்டு அப்டேட்களுக்கு ஏற்றவாறு உங்கள் மொபைலை புதுப்பித்துக் கொள்ளக்கூடிய வசதியும் இந்த ஸ்மார்ட்போனில் உள்ளது. கூகுள் பிளே உடன் வரும் ஜியோபோன் நெக்ஸ்ட் ஸ்மார்ட்போனில் கூகுளின் பாதுகாப்பும், மால்வேர் புரொட்டக்ஷனும் உள்ளது. கூகுள் பிளே இருப்பதால் நீங்கள் விரும்பும் ஆயிரக்கணக்கான ஆப்ஸ்களை டவுன்லோடு செய்து பயனடையலாம்.