இந்தியாவில் விற்பனைக்கு வந்த OnePlus 11 5G ஸ்மார்ட் ஃபோன்.! சிறப்பம்சங்கள் முதல் ஆஃபர் வரை - முழு விபரம்!

OnePlus நிறுவனம் சமீபத்தில் அறிமுகப்படுத்திய OnePlus 11 5G ஸ்மார்ட் ஃபோன் 2023 பிப்ரவரி 14-ஆம் தேதி முதல் இந்தியாவில் விற்பனைக்கு வந்துள்ளது. எட்டர்னா கிரீன் & டைட்டன் பிளாக் கலர் ஆப்ஷன்களில் அறிமுகப்படுத்தப்பட்டுள்ள இந்த லேட்டஸ்ட் மொபைலானது நிறுவனத்தின் பல தயாரிப்புகளுடன் ஒன்றாக அறிமுகப்படுத்தப்பட்டது.

Snapdragon 8 Gen 2 SoC ப்ராசஸரை கொண்டுள்ள இந்த புதிய ஸ்மார்ட் ஃபோனை வாங்க விரும்பும் வாடிக்கையாளர்கள் ஒன்பிளஸ் நிறுவனத்தின் அதிகாரப்பூர்வ ஆஃப்லைன் அவுட்லெட்ஸ் மற்றும் அமேசான் மூலம் வாங்கலாம். பிப்ரவரி 14, 2023 மதியம் 12 மணி முதல் விற்பனைக்கு வந்துள்ள இந்த மொபைல் 2 ஸ்டோரேஜ் ஆப்ஷன்களில் கிடைக்கிறது.

இந்தியாவில் OnePlus 11 5G மொபைலின் விலை : OnePlus 11 5G மொபைலின் அடிப்படை மாடலில் 8GB ரேம் மற்றும் 128GB ஸ்டோரேஜ் ஆப்ஷன் கொடுக்கப்பட்டுள்ளது. இந்த மாடலின் விலை ரூ.56,999 ஆகும். 16GB ரேம் மற்றும் 256GB ஸ்டோரேஜ் ஆப்ஷனுடன் வரும் மாடலின் விலை ரூ.61,999 ஆகும்.

பேங்க் ஆஃபர்ஸ்  : ICICI பேங்க்கின் கிரெடிட் கார்டுகளை வைத்திருக்கும் யூஸர்களுக்கு இன்ஸ்டன்ட்டாக ரூ.1,000 வரை தள்ளுபடி வழங்கப்படுகிறது. இந்த தள்ளுபடியை தொடர்ந்து இந்த லேட்டஸ்ட் மொபைலின் மாடல்கள் முறையே ரூ.55,999 மற்றும் ரூ.60,999-க்கு கிடைக்கும்.

OnePlus 11 5G மொபைலின் ஸ்பெசிஃபிகேஷன்ஸ்  : இந்த ஸ்மார்ட் ஃபோன் 6.7 இன்ச் 2K 120Hz சூப்பர்ஃப்ளூயிட் AMOLED டிஸ்ப்ளே மற்றும் 120hz ரெஃப்ரஷ் ரேட்டை கொண்டுள்ளது. Qualcomm-ன் லேட்டஸ்ட் ஸ்னாப்டிராகன் 8 Gen 2 ப்ராசஸர் மூலம் இந்த ஃபோன் இயக்கப்படுகிறது. SoC-ஆனது Ray tracing-ஐ சப்போர்ட் செய்கிறது. இது கேமிங் அனுபவத்தை மேம்படுத்துகிறது.

இந்த மொபைலின் பின்புறத்தில் உள்ள டிரிபிள் கேமரா செட்டப்பில் 50 மெகாபிக்சல் சோனி ஐஎம்எக்ஸ்890 பிரைமரி சென்சார் மற்றும் 48 மெகாபிக்சல் அல்ட்ரா-வைட் கேமரா மற்றும் டெலிஃபோட்டோ லென்ஸுடன் கூடிய 32 மெகாபிக்சல் சோனி ஐஎம்எக்ஸ்709 சென்சார் உள்ளிட்டவை அடங்கும். இந்த புதிய OnePlus மொபைலானது செல்ஃபிக்கள் மற்றும் வீடியோ கால்ஸ்களுக்காக 16 மெகாபிக்சல் கேமராவை கொண்டுள்ளது.

OnePlus 11 5G மொபைலானது 4 வருட ஆண்ட்ராய்டு அப்டேட்ஸ்களை வழங்குவதாக உறுதியளிக்கிறது. இது 100W ஃபாஸ்ட் சார்ஜிங் சப்போர்ட் மற்றும் 5000mAh பேட்டரியை கொண்டுள்ளது. OnePlus 11 5G மொபைலானது சுமார் 40 நிமிடங்களில் ஃபுல் சார்ஜ்ஜாகிவிடும். இந்த ஸ்மார்ட் போன் ஆண்ட்ராய்டு 13 அவுட்-ஆஃப்-தி-பாக்ஸில் Oxygen OS-ல் இயங்குகிறது. இந்த மொபைலில் உள்ள கனெக்டிவிட்டி அம்சங்களில் 4G LTE, Wi-Fi 6, Bluetooth v5.3, GPS மற்றும் பல அடங்கி உள்ளன. பாதுகாப்பிற்காக இந்த மொபைல் இன்-டிஸ்ப்ளே ஃபிங்கர்பிரின்ட் சென்சாருன் வருகிறது. இது டால்பி அட்மாஸ் ஸ்டீரியோ ஸ்பீக்கர்களையும் கொண்டுள்ளது.