கெத்து காட்டும் நத்திங் போன்.. ஆன்ட்ராய்டு 14 பீட்டா வெர்ஷன்.. வெளியான புதுத்தகவல்!

Nothing ஸ்மார்ட்போன் ஆன்ட்ராய்டு 14 -க்கான அக்சஸ் பெறும் மற்றும் அதன் அம்சங்கள் இந்த மாதம் I/O 2023 நிகழ்வின் போது வெளியிடப்படும் என்று கூறப்பட்டுள்ளது. பிக்சல் அல்லாத மற்ற பிராண்டு மொபைல் சாதனங்களில் முதல் முறையாக ஆன்ட்ராய்டு 14 பீட்டா 1 அணுகலைப் பெறும் முதல் போனாக Nothing Phone 1 மாறுகிறது. இது Phone 1 பயனாளர்களுக்கு மத்தியில் அதீத மகிழ்ச்சியை ஏற்படுத்தி உள்ளது.

கூகுளுடன் இணைந்து பணிபுரிவதன் மூலமாகத் தனது பயனாளர்களுக்குச் சிறந்த சாஃப்ட்வேர் அனுபவத்தை Nothing நிறுவனம் மேம்படுத்தி கொடுத்துள்ளது. இதற்கான வெளியீட்டுத் தேதியை நிறுவனம் இன்னும் அறிவிக்கவில்லை.

Nothing நிறுவனம் தனது Phone 1-ல் Nothing OS வெர்ஷனை வழங்குகிறது. இதன் மூலமாகக் கிடைக்கும் சாஃப்ட்வேர் அப்டேட்டுகள் கேமரா, ஒட்டுமொத்த பர்ஃபாமன்ஸ் மற்றும் பிற ஸ்டெபிலிட்டி மாற்றங்கள் ஆகியவற்றை மேம்படுத்துகிறது. பிக்சல் 4 மற்றும் அதற்குப் பின்னர் வந்த பிக்சல் சாதனங்கள் ஆன்ட்ராய்டு 14 பீட்டாவிறகான அணுகலைப் பெறுவார்கள்.

இந்த மாத இறுதியில் நடைபெற இருக்கும் கூகுள் I/O 2023 கீநோட் நிகழ்வின் போது இந்த மெயின் வெர்ஷன் வெளியிடப்படும். மேலும் வரக்கூடிய வாரங்களில் பல பிராண்டுகளுக்கு இந்த பீட்டா வெர்ஷனுக்கான அணுகல் கிடைக்கும் என கூறப்படுகிறது. தனது சாப்ட்வேர் அம்சங்களில் Nothing நிறுவனம் அதிக கவனம் செலுத்தி வருகிறது.

Nothing நிறுவனம் தனது போன் 2 குறித்த வெளியீட்டுத்திட்டங்களை ஏற்கனவே உறுதி செய்துள்ளது. Nothing ஒரு ஃபிளாக்ஷிப் ப்ராடக்ட் ஆக இருக்கும் என்றும், அது Snapdragon 8 Gen series chipset மூலமாக இயங்கும் என்றும் நிறுவனத்தின் ஃபவுண்டர் கார்ல் பெய் கூறியுள்ளார். அதோடு கேமரா மற்றும் டிஸ்ப்ளே தொழில்நுட்பத்திலும் மிகப்பெரிய முன்னேற்றங்கள் வர இருப்பதாகவும் அவர் தெரிவித்தார்.

போனின் குறிப்பிட்ட அம்சங்களில் கவனம் செலுத்துவதற்குப் பதிலாக, அதன் ஒட்டுமொத்த அனுபவத்தில் மேம்பாடுகளைக் கொண்டு வருவதற்காக நிறுவனம் பணிபுரிந்து வருகிறது என்று தெரிவித்துள்ளனர். தங்களது போன் லைட் வெயிட்டாக இருப்பதிலும் அவர்களது முழு கவனம் இருப்பதாகத் தெரிவித்தார்.

இந்தியாவில் Phone 1 35,999 ரூபாய்க்கு வெளியிடப்பட்டது. மேலும் இந்த வருடத்தில் வெளியாக உள்ள Phone 2 விலை 55,000 ரூபாய்க்குள் இருக்கும் என எதிர்பார்க்கலாம். ஆன்ட்ராய்டு 14 இதன் மிகப்பெரிய அப்டேட்டாக இருக்கும். யுட்டிலிட்டி அம்சங்களில் ஏற்பட உள்ள மாற்றம் குறித்து I/O 2023 keynote நிகழ்வில் கூகுள் கூற உள்ளது.