இவ்வளவு விலை கம்மியா? ஐபோனுக்கு ரூ.12 ஆயிரம் வரை தள்ளுபடி.. அசத்தலான ஆஃபர்...

சமீப காலமாக இந்தியாவில் ஐபோன் யூசர்களின் எண்ணிக்கை அதிகரித்துள்ளது அனைவருக்கும் தெரிந்த ஒரு செய்தி தான். குறிப்பாக இளம் வயதினர் பலரும் ஆப்பிள் நிறுவனத்தின் பொருட்களை வாங்குவதில் அதிக ஆர்வம் காட்டி வருகின்றனர். அதிலும் ஐபோனிற்கான ரசிகர் பட்டாளம் பெருமளவில் அதிகரித்துள்ளது.

அந்த வகையில் ஆப்பிள் நிறுவனமும் இந்தியாவில் தங்களது சந்தையை விரிவுபடுத்துவதற்கான வேலையில் தீவிரம் காட்டி வருகின்றது. அமேசான் பிளிப்கார்ட் போன்ற நிறுவனங்களில் ஆப்பிள் நிறுவனங்களின் ப்ராடக்டுகளில் ஐபோனிற்கு என தனியாக சலுகைகள் அளிக்கப்பட்டு வருகின்றன.

அந்த வகையில் கடந்த மாதம் இந்தியாவில் அறிமுகமான ஐபோன் 14 மஞ்சள் நிற வெர்ஷன் தற்போது ப்ளிப்கார்டில் விற்பனைக்கு கிடைக்கிறது. விற்பனை விலையை விட கிட்டத்தட்ட 12 ஆயிரம் வரை சலுகை விலையில் வாடிக்கையாளர்களால் ஐபோன் 14 மஞ்சள் நிற வெர்ஷனை வாங்க முடியும்.

முன்னர் 79,999 என்று இருந்த ஐபோன் 14 மஞ்சள் எடிசனின் 128 ஜிபி மாடலின் விலையானது தற்போது 71,999 என்று குறைக்கப்பட்டுள்ளது. மேலும் நீங்கள் எச்டிஎப்சி வங்கியின் வாடிக்கையாளராக இருந்தால் எச்டிஎப்சி கார்டை பயன்படுத்தி மேலும் 4000 வரை சலுகை பெற முடியும்.

இதைத் தவிர 256 ஜிபி மாடலுக்கும் சலுகை கிடைக்கிறது. 77,999 என்ற வழியில் ஐபோன் 14 மஞ்சள் நிற எடிஷன் 256 ஜிபி மாடல் கிடைக்கிறது. பிளிப்கார்ட் ஆக்சிஸ் வங்கி கார்டை வைத்திருப்பவர்களுக்கு 5 சதவீதம் வரை சலுகை அளிக்கப்படுகிறது.

ஐபோனின் மஞ்சள் நிற எடிஷனை விரும்பாதவர்களுக்கு கருப்பு, நீலம், வெள்ளை மற்றும் ஊதா என நான்கு நிறங்களில் ஐபோன் 14 கிடைக்கிறது. மஞ்சள் நிறத்தை விரும்பாதவர்கள் இந்த நான்கு நிறங்களில் தங்களுக்கு பிடித்த மாடல் எதையேனும் தேர்ந்தெடுத்துக் கொள்ளலாம். இவற்றின் விலையானது 67,999 ஆகும். இதில் சிவப்பு நிற மாடலின் விலையானது 66,999 ஆகும்.

கடந்த வருடத்தின் மார்ச் மாதத்தில் இருந்து ஐபோன் பல்வேறு நிறங்களில் விற்பனைக்கு வர துவங்கியுள்ளது என்பது குறிப்பிடத்தக்கது. ஐபோன் 13 ப்ரோ மற்றும் ப்ரோ மேக்ஸ் மாடல்கள் அறிமுகத்திற்கு பின்னர் அதே மாடலில் ஆல்பைன் கிரீன் வெர்ஷன் ஆனது அறிமுகப்படுத்தப்பட்டுள்ளது.

அந்த மாடல் வெளியாகி பல மாதங்கள் கடந்த நிலையிலும் கூட தற்போது வரை அந்த ஃபோனின் விற்பனை நன்றாக உள்ளதாகவே தகவல்கள் தெரிவிக்கின்றனர். பெரும்பாலான மக்கள் வெவ்வேறு நிறங்களில் கிடைக்கும் ஐபோனை வாங்குவதில் அதிக ஆர்வம் காட்டுகின்றனர். அதே சமயத்தில் பழைய மாடல்களில் வெளி வரும் ஐபோனிலும் வாடிக்கையாளர்கள் விரும்பத் தகுந்த வகையில் பல்வேறு நிறங்களில் அவை கிடைக்கின்றன என்பதும் குறிப்பிடத்தக்கது.