கம்மி விலையில் சூப்பரான ஸ்மார்ட்போன்.. HTC அறிமுகம் செய்யும் பட்ஜெட் போன்!

இந்திய செல்போன் சந்தையில் தனக்கென ஒரு இடத்தைப் பிடித்துள்ளது எச்டிசி நிறவனம். ஐந்தாயிரம் ரூபாய் முதல் ஐம்பதாயிரம் ரூபாய் வரை பல மாடல் போன்களை வெற்றிகரமாக விற்பனை செய்து வருகிறது. அந்த வரிசையில் புதிய போனை அறிமுகம் செய்துள்ளது. வைல்ட்ஃபயர் இ2 பிளே எனும் ஸ்மார்ட்போனை அறிமுகம் செய்துள்ளது.  இதன் விலையும் ரூ.10ஆயிரத்துக்குள்  நிர்ணயம் செய்யப்பட்டுள்ளது. குறிப்பாக இந்த போன் பெரிய டிஸ்பிளே, ஆக்டோ கோர் பிராசஸர், நீண்ட நேரம் பேக்கப் தரும் பேட்டரி உள்ளிட்ட பல சிறப்பு அம்சங்களைக் கொண்டுள்ளது என்பது குறிப்பிடத்தக்கது.

எச்டிசி வைல்ட்ஃபயர் இ2 பிளே போன் தற்போது அறிமுகம் மட்டுமே செய்யப்பட்டுள்ளது. எப்போது விற்பனைக்கு வரும் போன்ற விபரங்கள் வெளியாகவில்லை. இந்த புதிய எச்டிசி வைல்ட்ஃபயர் இ2 பிளே ஸ்மார்ட்போனின் விலை மற்றும் அம்சங்களைச் சற்று விரவாகப் பார்ப்போம்.

6.82-இன்ச் எல்சிடி டிஸ்பிளேயுடன் இந்த எச்டிசி வைல்ட்ஃபயர் இ2 பிளே ஸ்மார்ட்போன் வெளிவந்துள்ளது. 1600 × 720 பிக்சல்ஸ், 20:9 ஆஸ்பெக்ட் ரேஷியோ, 450 நிட்ஸ் ப்ரைட்னஸ் மற்றும் சிறந்த பாதுகாப்பு வசதியுடன் வெளியாகியுள்ளது இந்த புதிய ஸ்மார்ட் போன். 1.6ஜிகாஹெர்ட்ஸ் ஆக்டோ-கோர் Unisoc T606 12என்எம் பிராசஸர் உடன் Mali G57 MP1 GPU ஆண்ட்ராய்டு பேஸ்ட் கிராபிக்ஸ் கார்டும் இதில் உள்ளது.

மேலும் ஆண்ட்ராய்டு 12 OS இந்த புதிய எச்டிசி போனில் உள்ளது. எச்டிசி வைல்ட்ஃபயர் இ2 பிளே ஸ்மார்ட்போனில் 8ஜிபி ரேம் மற்றும் 128ஜிபி ஸ்டோரேஜ் வசதி உள்ளது. கூடுதலாக மெமரி நீட்டிப்பிற்காக ஒரு மைக்ரோ எஸ்டி கார்டு ஸ்லாட் உள்ளது.

இந்த புதிய எச்டிசி வைல்ட்ஃபயர் இ2 பிளே ஸ்மார்ட்போனில்  48எம்பி பிரைமரி கேமரா,  + 2எம்பி டெப்த் சென்சார், + 2எம்பி மேக்ரோ கேமரா என ட்ரிபிள் ரியர் கேமரா உள்ளது. எனவே இந்த போனின் உதவியுடன் தெளிவான படங்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 8எம்பி கேமராவைக் கொண்டுள்ளது இந்த புதிய போன்.

இதுதவிர எல்இடி ஃபிளாஸ் மற்றும் பல உயர் தர கேமரா அம்சங்ளுடன் இந்த போன் வெளிவந்துள்ளது. 4600 எம்ஏஎச் பேட்டரி உள்ளதால் நீண்ட நேரம் பேட்டரி பேக்கப் கிடைக்கும். பின்பு 10W பாஸ்ட் சார்ஜிங் வசதி, கைரேகை ஸ்கேனர் உள்ளிட்ட வசதிகளும் இந்த போனில் இருக்கிறது.

அதேபோல் 4ஜி வோல்ட்இ வைஃபை 802.11 ஏசி, ஜிபிஎஸ், புளூடூத் 5.0, யுஎஸ்பி டைப்-சி சார்ஜிங் போர்ட், 3.5எம்.எம் ஆடியோ ஜாக் உள்ளிட்ட பல கனெக்டிவிட்டி வசதிகளையும் கொண்டுள்ளது வைல்ட் ஃபயர் இ2 போன். கருப்பு, நீலம் என இரண்டு நிறங்களில் கிடைக்கிறது இந்த புதிய ஸ்மார்ட் போன்.