தோழிக்காக 1,177 கோடி ரூபாயில் வீடு வாங்கியிருக்கும் அமேசான் முதலாளி... மலைக்க வைக்கும் வசதிகள்..!

அமேசான் நிறுவனத் தலைவரான ஜெஃப் பீசோஸ் தனது பெண் தோழிக்காக 1,177 கோடி ரூபாய்க்கு ஒரு வீடு வாங்கியிருக்கிறார்.

அமெரிக்காவில் உள்ள பிவெர்லி ஹில்ஸ் பகுதியில் 9 ஏக்கர் பரப்பளவில் இந்தப் புதிய வீடு அமைந்துள்ளது. 1930-ம் ஆண்டில் ஹாலிவுட்டின் பிரபல தயாரிப்பாளர்களான வார்னர் சகோதரர்களுக்காக இந்த வீடு கட்டப்பட்டதாம். தற்போது இந்த வீட்டைத்தான் பீசோஸ் தனது பெண் தோழிக்காக வாங்கியுள்ளார். (image-the wrap)

தனது தோழிக்காக கடந்த ஓராண்டுக்கும் மேலாக வீடு தேடி தற்போது இந்த 9 ஏக்கர் வீட்டை வாங்கியுள்ளாராம் ஜெஃப் பீசோஸ். ஏக்கர் கணக்கிலான மொட்டை மாடியில் நிறைந்துகிடக்கும் தோட்டம் ஒரு வனம் போன்றே காட்சி அளிக்கிறதாம்.

இதுபோக, இரண்டு விருந்தினர் மாளிகைகள், ஒன்பது ஹோல் கோல்ஃப் மைதானம், 3 கண்ணாடி மாளிகைத் தோட்டங்கள், மாபெரும் நீச்சல் குளம், டென்னிஸ் மைதானம், நான்கு பிரமாண்ட நீரூற்றுகள், 6 பெரும் வாகன கேரேஜ்கள், 7 மாளிகைகளுக்கு நிகரான 7 படுக்கறைகள் என பிரமாண்டத்தின் உச்சமாக இருக்கிறதாம் ஜெஃப் பீசோஸின் வீடு. (image- sydney morning herald)