ரேஷனில் ரூ.1000 எப்போது கிடைக்கும்? பட்ஜெட்டில் அறிவித்த அமைச்சர்

ரேஷன் கடைகளில் ரூ.1000 உதவித்தொகை வழங்கும் திட்டம் எப்போது, யாருக்கு கிடைக்கும் உள்ளிட்ட முக்கிய அறிவிப்புகளை பட்ஜெட் உரையின் போது அமைச்சர் பழனிவேல் தியகாராஜன் அறிவித்துள்ளார்.

திமுக தேர்தல் அறிக்கையில் மிக முக்கியமான ஒன்றாக இருக்கும் இல்லதரசிகளுக்கு மாதம் தோறும் ரூ.1000 உதவித்தொகை திட்டம் எப்போது செயல்படுத்தப்படும் என்று அனைவரும் ஆவலுடன் எதிர்பார்த்து காத்து உள்ளனர்.

இந்நிலையில் இன்று தாக்கல் செய்யப்பட்ட தமிழக பட்ஜெட்டில் இது தொடர்பான முக்கிய அறிவிப்புகள் வெளியாகி உள்ளன. குறிப்பாக பெண்கள் குடும்ப தலைவியாக இருந்தால் மட்டும் தான் ரூ.1000 கிடைக்குமா என்ற கேள்விக்கு முற்றுப்புள்ளி வந்துள்ளது.

பட்ஜெட் உரையின் போது நிதி அமைச்சர் பழனிவேல் தியாகராஜன், குடும்பத்தின் தலைவர் பெண்ணாக இருந்தால் மட்டுமே மாதந்தோறும் உதவி கிடைக்கும் என சில தரப்பில் தவராக புரிந்துகொள்ளப்பட்டுள்ளது. இதனால், பல குடும்ப அட்டைகளில் பெண் குடும்ப உறுப்பினர் ஒருவரை குடும்பத்தின் தலைவராக மாற்றுவதற்கு முயற்சித்து வருகின்றனர். இல்லத்தரசிகளுக்கு நிதியுதவி வழங்குவதே இந்த திட்டத்தின் நோக்கம். எனவே, குடும்ப தலைவரின் பெயரை மாற்றத் தேவையில்லை என்றார்.

மேலும் இத்திட்டத்திற்கு தகுதிவாய்ந்த குடும்பங்களை கண்டறிய தேவைப்படும் அளவுகோல் மற்றும் வழிமுறைகளை இந்த அரசு வகுத்து வருகிறது. தகுதிவாய்ந்த குடும்பங்கள் கண்டறியப்பட்டு ரூ.1000 உதவித்தொகை திட்டம் விரைவில் செயல்படுத்தப்படும் என்றும் அறிவித்தார்.