இந்த ஆண்டின் மிஸ் கூவாகமாக சென்னையைச் சேர்ந்த மெகந்தி தேர்வு (படங்கள்)

விழுப்புரத்தில் திருங்கைகளுக்கான பல்வேறு கலை நிகழ்ச்சிகள் மற்றும் மிஸ் கூவாகம் அழகி போட்டி நடைப்பெற்றது.  விதவிதமான ஆடைகளை அணிந்து ஒய்யாரமாக நடந்து பார்வையாளர்களை பரவசப்படுத்தினர். இந்த ஆண்டின் மிஸ் கூவாகமாக யைச் சேர்ந்த மெகந்தி தேர்வு செய்யப்பட்டார்.

மகாபாரதப் போரில் வெற்றி கிடைப்பதற்காக அரவான் என்ற இளவரசன், பஞ்ச பாண்டவர்களால் களபலி கொடுக்கப்பட்ட வரலாற்று சிறப்புமிக்க புராணத்தை நினைவுக் கூறும் வகையில் உலகத்திலேயே திருநங்கைகளுக்கு என்றே தனியாக அமைந்துள்ள விழுப்புரம் மாவட்டத்தின் அருகே கூவாகம் கிராமத்தில் உள்ள கூத்தாண்டவர் கோயிலில் ஆண்டுத்தோறும் சித்திரை மாதத்தில் திருநங்கைகள் ஒன்று கூடி விழா எடுத்து கொண்டாடி வருகின்றனர்.

கொரோனா கட்டுபாடுகள் காரணமாக கடந்த 2 ஆண்டுகளாக கூவாகம் கூத்தாண்டவர் கோயிலில் சித்திரை திருவிழா நடைப்பெறாமல் இருந்து வந்த நிலையில், இந்த ஆண்டு வழக்கம் போல் சித்திரை திருவிழா கடந்த 5ஆம் தேதி சாலை வார்த்தல் நிகழ்ச்சியுடன் தொடங்கியது.

இத்திருவிழாவின் முக்கிய நிகழ்ச்சியான திருநங்கைகள் கோயில் பூசாரி கையால் தாலி கட்டிக்கொள்ளும் நிகழ்ச்சி (இன்று) 19ஆம் தேதியும் , அதனை தொடர்ந்து 20ஆம் தேதி கூத்தாண்டவர் தேரோட்டமும், திருநங்கைகள் விதவை கோலம் எற்கும் நிகழ்வும் நடைபெறவுள்ளது.

சிறப்புமிக்க இத்திருவிழாவில் கலந்து கொள்வதற்காக தமிழகம் மட்டுமின்றி பெங்களூர், கேரளா, கர்நாடகா, டில்லி, கொல்கத்தா, மும்பை என நாட்டின் பல்வேறு பகுதிகளில் இருந்தும் ஏராளமான திருநங்கைகள் விழுப்புரத்தில் குவிந்துள்ளனர்.

இப்படி விழுப்புரத்தில் குவிந்துள்ள திருநங்கைகளை உற்சாகப்படுத்தும் வகையில் தென்னிந்திய திருநங்கைகள் கூட்டமைப்பு சார்பில் திருநங்கைகளுக்கான கலை விழா மற்றும் மிஸ் கூவாகம் அழகி போட்டி விழுப்புரத்தில் உள்ள நகராட்சி மைதானத்தில் நடைப்பெற்றது.

இவ்விழாவில் அமைச்சர் திரு.மஸ்தான், விழுப்புரம் மாவட்ட ஆட்சியர் மோகன், மாவட்ட காவல் கண்கானிப்பாளர் ஸ்ரீநாதா ஆகியோர் கலந்துக்கொண்டனர்.

இவ்விழாவில் பாட்டு, நடன நிகழ்ச்சிகளில் திருங்கைகள் கலந்து கொண்டு பாட்டு பாடியும்,  நாட்டியம், கரக்காட்டம் உள்ளிட்ட பல்வேறு நடனங்களை ஆடியும் தங்களது திறமைகளை வெளிப்படுத்தி பார்வையாளர்களை மகிழ்ச்சிப்படுத்தினர்.

இதன்பின்னர் நடைப்பெற்ற 2022ம் ஆண்டிற்கான மிஸ் கூவாகம் அழகிப் போட்டியில் தமிழகம் மட்டுமின்றி ஆந்திரா, கேரளா, கர்நாடகா, மும்பை போன்ற நாட்டின் பல்வேறு பகுதிகளில் இருந்தும் வந்திருந்த 100க்கும் மேற்பட்ட திருநங்கைகள் கலந்து கொண்டு விதவிதமான உடைகளை அணிந்து இசைக்கு ஏற்றபடி நலினத்துடன் ஒய்யாரமாக நடந்து வந்து பார்வையாளர்களை பரவசப்படுத்தினர்.

இறுதியில் இந்த ஆண்டிற்கான மிஸ் கூவாகமாக சென்னையைச் சேர்ந்த விமான பணிப்பெண் பயிற்சி பெற்ற பட்டதாரி மெகந்தி  தேர்வு செய்யப்பட்டார்.

இரண்டாம் இடத்தை திருச்சியை சேர்ந்த ரியானா சூரி தேர்வு செய்யப்பட்டார்.

மூன்றாம் இடத்தை சேலத்தை சேர்ந்த ஸ்வீட்டியும் தேர்வு செய்யப்பட்டார்.

மிஸ் கூவாகமாக தேர்வு செய்யப்பட்ட மூவருக்கும் கிரீடம் அணிவிக்கப்பட்டு பரிசுகள் வழங்கப்பட்டது.