தெரியாமல் கருப்பு புடவையில் வந்துவிட்டேன்.. வானதி சீனிவாசன் நகைப்பு!

முன்னாள் தலைவர் ராகுல் காந்தியின் எம்.பி பதவி பறிக்கப்பட்டத்தை  கண்டித்து காங்கிரஸ் சட்டமன்ற உறுப்பினர்கள் இன்று சட்டப்பேரவைக்கு கருப்பு சட்டை அணிந்தும் கையில் பதாகைகளுடனும் பேரவைக்கு வந்தனர்.

மத்திய அரசுக்கு எதிராக நேரம் இல்லா நேரத்தில் தீர்மானமும் கொண்டு வர உள்ள சூழ்நிலையில் தற்போது பேரவை நிகழ்வுகளில் கலந்து கொண்டுள்ளனர்.

இந்நிலையில் சட்டப்பேரவை நிகழ்வுகளை கலந்து கொள்ள வந்த பாஜக சட்டமன்ற உறுப்பினர் வானதி சீனிவாசன் கருப்பு புடவையுடன் பேரவைக்கு வந்ததை தொலைக்காட்சி ஒளிப்பதிவாளர்கள் பதிவு செய்தனர்.

இதனை கண்ட வானதி சீனிவாசன் " தெரியாமல் இன்று கருப்பு புடவை அணிந்து வந்து விட்டேன்" என புன்னகைத்தபடியே உள்ளே சென்றார்.