தமிழர்களின் பாரம்பரிய கலையான சிலம்பம் சுற்றுதலில் புதிய உலக சாதனை முயற்சி!

தமிழர்களின் பாரம்பரிய கலையான சிலம்பக்கலையிணை ஊக்குவிக்கும் வகையில் சிலம்பத்தை அனைவரும் கற்க வேண்டும் என்ற நோக்குடன் புதிய உலக சாதனை முயற்சியில் திருச்சி மாணவ மாணவிகள் இன்று ஈடுபட்டுள்ளனர்.  (படம்: கதிரவன் - திருச்சி)

உழைப்பாளர் தினமான இன்று திருச்சி தில்லைநகர் கி ஆ பெ விசுவநாதன் மேல்நிலைப் பள்ளியில் அதிகாலை 5 மணி முதல் மாலை 5 மணி வரை தொடர்ந்து 12 மணி நேரம் சிலம்பம் சுற்றி புதிய உலக சாதனை நிகழ்ச்சி நடைபெறுகிறது.(படம்: கதிரவன் - திருச்சி)

இந்த உலக சாதனை நிகழ்ச்சியில் கலந்து கொண்டு 10 வயது மாணவி சுஜிதா சிலம்ப சாதனை செய்த பின்பு
கம்யூனிஸ்ட் கட்சியின் மூத்த தலைவர் நல்லகண்ணு அவர்கள் பாராட்டி பரிசுகளை வழங்கினார். இதனைத் தொடர்ந்து மாலையில் நிகழ்ச்சி முடியும் போது பரிசுகளை வழங்கி மாணவர்களை உற்சாகபடுத்த உள்ளார். (படம்: கதிரவன் - திருச்சி)

மாணவன் கமலேஷ் ஒரு மணி நேரத்தில் சிலம்பத்தில் ஒரு பிரிவான பிறளை 1500 தடவை செய்து சாதனை படைக்க உள்ளார். (படம்: கதிரவன் - திருச்சி)

இந்த சிலம்ப சாதனை நிகழ்ச்சியில் 300-க்கும் மேற்பட்ட சிலம்பு வீரர்கள் தமிழகம் மற்றும் பிற மாநிலத்தில் இருந்து கலந்து கொண்டுள்ளனர். இதில் 45 பேர் சுழற்சி முறையில் தொடர்ந்து மாலை 5 மணி வரை சிலம்பம் சுற்றி சாதனை  செய்யும் நிகழ்ச்சி நடைபெற்று கொண்டிருக்கிறது. (படம்: கதிரவன் - திருச்சி)

காலை 5 மணிக்கு தொடங்கிய சிலம்ப சாதனை நிகழ்ச்சியானது தற்போது வரை நடைபெற்றுக்கொண்டிருக்கிறது. (படம்: கதிரவன் - திருச்சி)

மாலை சிலம்ப சாதனை நிகழ்ச்சி முடிந்தவுடன் கின்னஸ் சாதனை புத்தகத்தில் இடம் பெறுவதற்காக வெளி மாநிலம் மற்றும் வெளிநாட்டிலிருந்து நடுவர்கள் பங்கேற்று சாதனை படைப்பதற்கான சான்றிதழ்களை வழங்குவதற்காக கண்காணித்து வருகின்றனர்.(படம்: கதிரவன் - திருச்சி)

கின்னஸ் சாதனை  பாடைக்கும் நோக்கத்தில் மாணவ-மாணவிகள் தொடர்ந்து சிலம்பம் சுற்றி வருகின்றனர் என்பது குறிப்பிடத்தக்கது. (படம்: கதிரவன் - திருச்சி)