ஒரே வாரத்தில் இருமடங்கான தக்காளி விலை: மகிழ்ச்சியில் தருமபுரி விவசாயிகள்..

தருமபுரி பாலக்கோடு சந்தையில் ஒரே வாரத்தில் தக்காளியின் கொள்முதல் விலை இருமடங்காக உயர்ந்ததால் விவசாயிகள் மகிழ்ச்சி அடைந்துள்ளனர்.

பாலக்கோடு சுற்றுவட்டாரத்தில் சுமார் இரண்டாயிரம் ஏக்கரில் தக்காளி சாகுபடி நடந்துள்ள நிலையில், இச்சந்தையில் இருந்து தமிழத்தின் பிற பகுதிகள் மட்டுமல்லாது அண்டை மாநிலங்களுக்கும் தக்காளி ஏற்றுமதியாவது வழக்கம்.

இந்நிலையில் வெயிலின் தாக்கத்தால் தக்காளி வரத்து குறைந்துள்ளதாக கூறப்படுகிறது. இதனால் கடந்த சில நாட்களுக்கு முன் ஒரு கிலோ 12 ரூபாய்க்கு விற்கப்பட்டது.

தற்போது தக்காளியின் விலை தொடர்ந்து உயர்ந்து 40 ரூபாய்க்கு விற்கப்படுகிறது. இது விவசாயிகளிடையே உற்சாகத்தை ஏற்படுத்தியுள்ளது.