தேர்தல் விதிகளால் தங்க மகள் கோமதிக்கு அரசால் உதவ முடியவில்லை: ஜெயக்குமார்

தேர்தல் நடைமுறை விதிகள் அமலில் இருப்பதால், ஆசிய தடகள போட்டியில் தங்கம் வென்ற தங்கமகள் கோமதிக்கு தமிழக அரசால் உதவி செய்ய முடியவில்லை என்று அமைச்சர் ஜெயக்குமார் கூறியுள்ளார்.

சென்னை விமானநிலையத்தில் செய்தியாளர்களை சந்தித்த அமைச்சர் ஜெயக்குமார், விளையாட்டு துறைக்கு எப்போவுமே அம்மாவின் அரசு முக்கியத்துவம் கொடுத்து வருகிறது. தேர்தல் விதிமுறைகள் தளர்த்தப்பட்டதும் தடகள வீராங்கனை கோமதி விரும்புகிற அளவுக்கு அவருக்கு உதவி செய்ய அம்மாவின் அரசு தயாராக இருக்கிறது என்று கூறினார்.

மேலும் ஜூன் 3-ல் நாங்கள் ஆட்சி அமைப்போம் என்று துரை முருகன் கூறி வருவது இந்த ஆண்டின் சிறந்த காமெடி என்று ஜெயக்குமார் கூறினார்

2021 ஜூன் வந்தாலும் நாங்கள்தான் ஆட்சியில் இருப்போம்  என்றும் திமுகவின்  B team-ஆக செயல்படுபவர் தான் தினகரன் என்றும் ஜெயக்குமார் குற்றம்சாட்டினார்.

மேலும் காங்கிரஸ்தான் GST கொண்டு வந்தது. GST குறித்து வருகின்ற காலத்தில் பிரச்சனைகள் சரி செய்யப்படும் என்று ஜெயக்குமார் உறுதி அளித்தார்.

நடந்து முடிந்த நாடாளுமன்ற தேர்தல், 18 சட்ட மன்ற இடை தேர்தல் மற்றும் தற்போது நடைபெற இருக்கிற 4 தொகுதி தேர்தல் அனைத்திலும் கண்டிப்பாக அதிமுகதான் வெற்றி பெறும் என்று ஜெயக்குமார் நம்பிக்கை தெரிவித்தார்.