அரிய உரைகள், புகைப்படங்களுடன் தமிழ்நாடு சட்டப்பேரவை நூற்றாண்டு மலர் வெளியீடு

தமிழ்நாடு சட்டப்பேரவை நூற்றாண்டு மலரை முதலமைச்சர்   வெளியிட சட்டப்பேரவை சபாநாயகர் அப்பாவு பெற்றுக்கொண்டார்.

சட்டப்பேரவையில் நடைபெற்ற நிகழ்வில் தமிழ்நாடு சட்டமன்ற நூற்றாண்டு விழா மலர் (1921-2021 ) 2022 என்ற தலைப்பில் வெளியிடப்பட்டுள்ளது.

இதில் கடந்த ஆண்டு ஆகஸ்ட் மாதம் 2 தேதியுடன் புனித ஜார்ஜ் கோட்டையில் சட்டப்பேரவை வளாகம் நூற்றாண்டு கண்டுள்ளதை குறிப்பிட்டு குடியரசுத் தலைவர், துணை குடியரசுத் தலைவர், பிரதமர் மற்றும் அப்போதைய ஆளுநர் பன்வாரிலால் புரோகித் ஆகியோரின் வாழ்த்துக் கடிதங்கள்  மலரில் இடம் பெற்றுள்ளது.  மேலும், பேரவை வளாகத்தில் நடைபெற்ற விழாவில் குடியரசுத் தலைவர் பங்கேற்று பேசிய உரையும் உள்ளது.

அண்ணா குடியாட்சி முறை  என்ற தலைப்பில் எழுதிய கட்டுரையும், புனித ஜார்ஜ் கோட்டையின் வரலாறு, மாப்பிளையும் மாப்பிள்ளை தோழனும் தலைப்பில் அண்ணா கடந்த 30.04.1957 அன்று சட்டப்பேரவையில்ஆற்றிய முதல் உரையும் மலரில் இடம் பெற்று இருக்கிறது .

தியாகத்தை போற்றிடுவோம் என்ற தலைப்பில் சட்டப்பேரவையில் 14.08.1972 ஆம் ஆண்டு விடுதலை நாள் வெள்ளி விழாவில் பேசியது, முதலமைச்சர் மு.க.ஸ்டாலின் கடந்த 12.05.2021 அன்று சட்டமன்ற ஜனநாயகம் பேணி பாதுகாப்போம் என்ற தலைப்பில் பேரவையில் ஆற்றிய முதல் உரையும் உள்ளது.

 கடந்த 10.10.2012 அன்று பேரவையில் முன்னாள் முதலமைச்சர் ஜெயலலிதா அருந்ததியர் சமுதாயம் சார்ந்த முதல் பேரவைத் தலைவர் தனபால் என்று அவரை பாராட்டி பேசியதும் இடம் பெற்று இருக்கிறது.

இதே போல முன்னாள் முதலைச்சர்கள் காமராசர், பக்தவச்சலம், எம்.ஜி.ஆர் ஆகியோரின் உரைகளும், தமிழ்நாடு என்று பெயர் மாற்ற குறித்த தீர்மானம் உள்பட சட்டப்பேரவையில் இடம் பெற்ற வரலாற்று சிறப்பு நிகழ்வுகளும், தமிழ்நாடு சட்டமன்ற நூற்றாண்டு விழா மலரில் இடம் பெற்று உள்ளது.  நூற்றாண்டு கண்ட சட்டமன்றத்தில் நிறைவேற்றப்பட்ட முக்கிய தீர்மானங்கள், சட்டங்கள், சட்டமன்ற உறுப்பினர்களின் பெயர் பட்டியலும், 16 வது சட்டமன்ற  பேரவையின் அமைச்சரவை தகவல்களும் மலரில் தொகுக்கப்பட்டுள்ளது.