ஆனந்தமாக சேற்று குளியல் போடும் திருவானைக்காவல் அகிலா யானை..!

திருவானைக்காவல் கோயில் யானை அகிலா சேற்று குளியல் போட
பிரத்யேக ஏற்பாடு செய்யப்பட்டுள்ளது

பஞ்சபூத தலங்களில் நீர் ஸ்தலமாக போற்றப்படுவது திருச்சி திருவானைக்காவல் ஜம்புநாதர் - அகிலாண்டேஸ்வரி கோயில். யானை வழிபட்டு முக்திப் பெற்ற ஸ்தலம் என்பதால் 'திரு ஆனைக்கா' என்று பெயர் பெற்றது.இத்தகைய சிறப்புமிக்க திருவானைக்காவல் கோயிலில், அகிலா என்ற யானை இறைப் பணியாற்றி வருகிறது.

யானையின் உடல் நலம் பேணும் வகையில் ஏற்கனவே, கோயில் நந்தவனத்தில் உள்ள நடைபாதையில் அகிலா யானை தினமும் நடைபயிற்சி மேற்கொள்கிறது. அதன்பிறகு அதற்கென அமைக்கப்பட்டுள்ள பிரத்யேக நீச்சல் குளத்தில் உற்சாகமாக குளியல் போடுகிறது.

இந்நிலையில், வனத்துறை மற்றும் கால்நடை மருத்துவர்களின் ஆலோசனைப்படி, நீச்சல் குளம் அருகே யானை அகிலா சேற்று மண்ணில் குளிப்பதற்காக, புதியதாக, 1,200 சதுர அடியில் பள்ளம் ஒன்று தற்போது அமைக்கப்பட்டுள்ளது.

சேறும், சகதியுமாக இருக்கும் இதில், யானை அகிலா தினமும் ஆனந்தமாக சேற்றுக் குளியல் போடுகிறது. இதைக்கண்டு கோயிலுக்கு வரும் பக்தர்கள் பெருமகிழ்ச்சி அடைகின்றனர்.