2 மணி நேரமாக எம்.ஜி.ஆர் பாடல்களுக்கு இடைவிடாமல் ஆடி அசத்திய முரட்டு எம்.ஜி.ஆர் ரசிகர் - படங்கள்

மாவட்டம் கோவில்பட்டி அருகே நிகழ்ச்சி தொடங்க தாமதம் ஏற்பட்டதால் தொடர்ந்து 2 மணி நேரம் எம்.ஜி.ஆர் திரைப்பட பாடல்களுக்கு அவரது ரசிகர் நடராஜன் என்பவர் பாவனைகளுடன் ஆடி அசத்தினார்.

தூத்துக்குடி மாவட்டம் கோவில்பட்டி  அருகே உள்ள எட்டயபுரத்தில் முன்னாள் முதல்வரும், சட்டமன்ற எதிர்க்கட்சித் தலைவருமான எடப்பாடி கே பழனிச்சாமி பிறந்த நாள் விழாவினை முன்னிட்டு, எட்டயபுரம் நகர அதிமுக சார்பில் அன்னதான நிகழ்ச்சிக்கு ஏற்பாடு செய்யப்பட்டு இருந்தது.

ஆனால் நிகழ்ச்சி தொடங்குவதற்கு தாமதம் ஏற்பட்டதால் கூடியிருந்த மக்கள் கலைந்து செல்லமால் இருக்கும் வகையில் எம்.ஜி.ஆர் திரைப்பாடல்கள் அங்கிருந்த ஒலிபெருக்கியில் தொடர்ந்து போடப்பட்டு கொண்டு இருந்தனா.

எம்.ஜி.ஆர் பாடல்கள் போடப்பட்டது தான் தாமதம் அங்கிருந்த எம்.ஜி.ஆர் ரசிகர் கயத்தரை சேர்ந்த நடராஜன் ஆட தொடங்கினார். ஒவ்வொரு பாடல்களுக்கு உடல் பாவனைகளுடன் ஆடி அசத்தினார்.

ஒரு பாட்டு, இரண்டு பாட்டு அல்ல 2 மணி நேரம் தொடர்ச்சிய ஆடினார் நடராஜன். அவர் சற்று மது அருந்தி இருந்ததாக தெரிகிறது.

நிகழ்ச்சி ஆரம்பிக்க தாமதம் ஏற்பட்டது கூட தெரியமால் 2 மணி நேரம் பொது மக்கள் நடராஜன் ஆட்டத்தினை பார்த்து கைதட்டி ரசித்தனர்.

இதனை தொடர்ந்து முன்னாள் அமைச்சரும், சட்டமன்ற உறுப்பினருமான கடம்பூர் ராஜு பொதுமக்களுக்கு அன்னதான நிகழ்ச்சியை தொடங்கி வைத்து இனிப்புகளை வழங்கினார்