அடுத்த 48 மணி நேரத்திற்கு வெயிலின் தாக்கம் அதிகரிக்கும்: வானிலை ஆய்வு மையம் எச்சரிக்கை..!

தமிழகத்தின் 9 மாவட்டங்களில் அடுத்த 48 மணி நேரத்திற்கு வெயிலின் தாக்கம் அதிகமாக இருக்கும் என்று அறிவிக்கப்பட்டுள்ளது.

அதனால் காலை 11 மணி முதல் பிற்பகல் 3 மணி வரை பொதுமக்கள் வெளியே வர வேண்டாம் என வானிலை ஆய்வு மையம் எச்சரிக்கை விடுத்துள்ளது.

மதுரை, விருதுநகர், திருச்சி, கரூர், நாமக்கல், சேலம், தருமபுரி, கிருஷ்ணகிரி, வேலூர் ஆகிய மாவட்டங்களிலும், திருத்தணியிலும் 40 டிகிரி செல்சியஸ் வரை வெப்பம் பதிவாகும் என தெரிவிக்கப்பட்டுள்ளது.

வெப்பச் சலனத்தால் இன்று தேனி, கன்னியாகுமரி, நெல்லை மற்றும் தூத்துக்குடி மாவட்டங்களில் லேசான மழைக்கு வாய்ப்பு இருப்பதாக தெரிவிக்கப்பட்டுள்ளது.

சென்னையில் பிற்பகலில் வறண்ட வானிலை நிலவும் என்றும் மண்டல வானிலை ஆய்வு மையம் தெரிவித்துள்ளது.

இன்று சுட்டெரிக்கும் வெயில்