தென்காசியில் மத்திய அரசைக் கண்டித்து தொழிலாளர்கள் சாலை மறியல் போராட்டம்- 1,500 பேர் கைது

மத்திய அரசுக்கு எதிராக தொழிற்சங்கங்கள் நாடு தழுவிய இரண்டு நாள் வேலை நிறுத்தப் போராட்டம் அறிவித்தது. அதன்படி தொழிலாளர் சட்ட விரோத தொகுப்புகளை கைவிட வேண்டும், பொது துறை நிறுவனங்களை தனியார்மயமாக்க கூடாது, விலைவாசி உயர்வை கட்டுபடுத்திடவும், அரசு ஊழியர்களுக்கு பழைய ஓய்வூதிய திட்டத்தை அமல்படுத்திடவும் உள்ளிட்ட 12ம் அம்ச கோரிக்கைகளை வலியுறுத்தி ஐஎன்டியுசி, சிஐடியு, ஏஐடியுசி, ஏஐசிசிடி, உள்ளிட்ட 10மத்திய தொழிற்சங்கம் போராட்டம் நடத்திட அழைப்பு விடுத்தது. இதற்கு ஆதரவு கொடுத்துள்ளது.

இதையடுத்து இன்று தென்காசி மாவட்டம் சிவகிரி வாசுதேவநல்லூர், சங்கரன்கோவில், திருவேங்கடம், செங்கோட்டை, புளியங்குடி, கடையம், வி.கே.புதூர், ஆலங்குளம், ராயகிரி உள்ளிட்ட 11 இடங்களில்  தொழிற்சங்கத்தினர் போராட்டத்தில் ஈடுபட்டனர்.

தொழிற்சங்க கூட்டமைப்பினர் தென்காசி மாவட்டத்தில்  11 இடங்களில் சாலைமறியலில் ஈடுபட முயன்றுள்ளனர்.

இதனிடையே சாலை மறியல் போராட்டத்தில் ஈடுபட முயன்ற 1500 க்கும் மேற்பட்டோரை காவல்துறையினர் கைது செய்தனர்.

தொழிலாளர் சட்ட விரோத தொகுப்புகளை கைவிட வேண்டும், பொது துறை நிறுவனங்களை தனியார்மயமாக்க கூடாது, விலைவாசி உயர்வை கட்டுபடுத்திடவும், அரசு ஊழியர்களுக்கு பழைய ஓய் ஓய்வூதிய திட்டத்தை அமல்படுத்தடவும் உள்ளிட்ட 12ம் அம்ச கோரிக்கைகளை வலியுறுத்தி ஐஎன்டியுசி, சிஐடியு, ஏஐடியுசி, ஏஐசிசிடி, மற்றும் விவசாய சங்கங்கள் இணைந்து சாலைமறியலில் ஈடுபட முயன்றுள்ளனர்.

இதனால் தென்காசி மாவட்டத்தில் போக்குவரத்துக்கு பெரிதும் பாதிக்கப்பட்டது. செய்தியாளர்: ச.செந்தில், தென்காசி மாவட்டம்