இந்த 6 மாவட்டங்களில் கனமழை இருக்கு...! வானிலை ஆய்வு மையம் தகவல்

தென்மேற்கு வங்கக்கடலில் நிலவிவரும் மேலடுக்கு சுழற்சி காரணமாக தமிழகத்தில் அடுத்த 24 மணி நேரத்தில் குறிப்பிட்ட ஆறு மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தூத்துக்குடி சிவகங்கை ராமநாதபுரம் நாகப்பட்டினம் தஞ்சாவூர் திருவாரூர் ஆகிய ஆறு மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தகவல் தெரிவித்துள்ளது.

வெப்பசலனம் காரணமாக அடுத்த இரு தினங்களுக்கு தமிழகத்தின் தென் மற்றும் கடலோர மாவட்டங்களில் ஓரிரு இடங்களில் லேசானது முதல் மிதமான மழைக்கு வாய்ப்புள்ளது என்று சென்னை வானிலை ஆய்வு மையம் அறிவித்துள்ளது

தமிழகத்தின் கடலோர மாவட்டங்களில் ஓரிரு இடங்களில் லேசான முதல் விதமான மழைக்கு வாய்ப்பு உள்ளதாகவும் சென்னை மண்டல வானிலை ஆய்வு மையம் தகவல் தெரிவித்துள்ளது.

சென்னையை பொறுத்தவரை வானம் மேகமூட்டத்துடன் காணப்படும். நகரின் ஒரு சில இடங்களில் லேசான மழைக்கு வாய்ப்பு உள்ளது. அதிகபட்ச வெப்பநிலை 37 டிகிரி செல்சியசும் குறைந்த பட்ச வெப்பநிலை 25 டிகிரி செல்சியசும் பதிவாக கூடும்.

கடந்த 24 மணி நேரத்தில் குறிப்பிடத்தக்க அளவு எங்கேயும் மழை பெய்யவில்லை. மீனவர்களுக்கான எச்சரிக்கை விடுக்கப்படவில்லை.