ரேசன் அட்டைதாரர்களுக்கு சூப்பர் அறிவிப்பு.. இனி பணம் வேண்டாம்.. அமலாகும் புது முறை!

தற்போது இருக்கும் டிஜிட்டல் உலகில் அனைவரின் கைகளிலும் செல்போன் பயன்பாடுகள் அதிகரித்துள்ளது. கூகுள் பே, போன் பே போன்ற பணப் பரிவர்த்தனை செயலிகளும் வைத்திருக்கிறார்கள். டீ குடித்துவிட்டு ரூ.10 பணம் செலுத்த வேண்டும் என்றாலும் கூட கடைகளில் உள்ள QR code அட்டை மூலம் ஸ்கேன் செய்தே செலுத்துகின்றனர்.

குக்கிராமங்களில் கூட QR code அட்டை மூலம் பணம் செலுத்தும் வசதி வந்துவிட்டது. ஆனாலும் கூட தமிழகத்திலுள்ள ரேசன் கடைகளில் சில்லறையாக பணம் கொடுத்துவிட்டு சர்க்கரை, கோதுமை உள்ளிட்ட பொருட்கள் வாங்க வேண்டிய சூழல் உள்ளது.

ஆகவே, ரேசன் கடைகளில் பணம் செலுத்தும் முறைகளில் மாற்றம் கொண்டு வர வேண்டும் என வாடிக்கையாளர்கள் தொடர்ந்து வலியுறுத்தி வந்தனர். இந்த நிலையில் தான் தமிழக கூட்டுறவுத்துறை மக்களுக்கு மகிழ்ச்சியான அறிவிப்பு ஒன்றை வெளியிட்டுள்ளது.

அனைத்து ரேஷன் கடைகளிலும் Google Pay மற்றும் Paytm மூலம் பணம் பரிவர்த்தனை செய்யலாம் என கூட்டுறவுத்துறை அமைச்சகம் அறிவித்துள்ளது.

இந்த திட்டம் சென்ற வாரம் காஞ்சிபுரம் மாவட்டத்தில் முதற்கட்டமாக அறிமுகப்படுத்தப்பட்டது. இந்நிலையில், தமிழகம் முழுவதும் மே மாதத்திற்குள் இந்த திட்டம் அமலுக்கு வரும் என தெரிவிக்கப்பட்டுள்ளது.

மேலும் இந்த திட்டம் அறிமுகப்படுத்தப்பட்ட பிறகு, தமிழகத்தில் உள்ள அனைத்து ரேஷன் கடைகளிலும் UPI மூலம் பணம் பரிவர்த்தனை செய்துகொள்ள முடியும்.