முதல்வர் மு.க.ஸ்டாலின் புகைப்படங்களை பார்த்து ரசித்த ரஜினிகாந்த்...!

ராஜா அண்ணாமலை மன்றத்தில் உள்ள முதலமைச்சர் மு.க. குறித்த புகைப்பட கண்காட்சியை நடிகர் பார்வையிட்டார்.

சென்னை பாரிமுனையில் உள்ள ராஜா அண்ணாமலை மன்றத்தில் முதலமைச்சர் மு.க. ஸ்டாலினின் பிறந்தநாளையொட்டி அவர் கடந்து வந்த பாதையை குறித்து இந்து அறநிலயத்துறை அமைச்சர் சேகர் பாபு புகைப்பட கண்காட்சியை ஏற்பாடு செய்திருந்தார்.

இந்த கண்காட்சியை மக்கள் நீதி மய்யத்தின் தலைவரும் நடிகருமான கமல்ஹாசன் கடந்த பிப்ரவரி 28ஆம் தேதி திறந்து வைத்தார்.

புகைப்பட கண்காட்சியை நடிகர் ரஜினிகாந்த்  இன்று பார்வையிட்டார்.இதையடுத்து செய்தியாளர்களை சந்தித்த நடிகர் ரஜினிகாந்த், ‘மு.க. ஸ்டாலின் படிப்படியாக உயர்ந்து தமிழ்நாட்டின் முதலமைச்சராக உள்ளார் என்றால், அது மக்கள் அவருக்கு கொடுத்த அங்கீகாரம். அவர் நீண்ட நாள் வாழ்ந்து மக்களுக்கு சேவை செய்ய இறைவனை வேண்டிக்கொள்கிறேன்’ என தெரிவித்தார்.

மேலும் ‘அவருடைய வாழ்க்கை பயணம், அரசியல் பயணம் இரண்டும் வேறில்லை’ என கூறினார்.

இதையடுத்து பார்வையாளர் குறிப்பேட்டில், ‘Super Collection. What a memory’ என இந்த புகைப்பட கண்காட்சி குறித்து தனது கருத்தை எழுதினார்.

நடிகர் ரஜினிகாந்த் இந்த புகைப்பட கண்காட்சியை பார்வையிடும்போது இந்து அறநிலையத்துறை அமைச்சர் சேகர்பாபு மற்றும் நடிகர் யோகி பாபு ஆகியோர் உடனிருந்தனர்.