தருமபுரி வேட்பாளரை ஆதரித்து உழவர் சந்தையில் வாக்கு சேகரித்தார் ஸ்டாலின்!

திமுக தலைவர் ஸ்டாலின் இன்று காலை தர்மபுரி உழவர் சந்தையில் திமுக வேட்பாளர் செந்தில்குமாருக்கு  வாக்குகள் சேகரித்தார்.

திமுக வேட்பாளர்களை ஆதரித்து இரண்டு நாள் சுற்றுப்பயணமாக தர்மபுரி வந்தார் திமுக தலைவர் மு.க.ஸ்டாலின்.

நேற்று இரவு ஒடசல்பட்டி கூட்டு ரோடு பகுதியில் நடைபெற்ற பொதுக்கூட்டத்தில் கலந்துகொண்டு திமுக வேட்பாளர்களுக்கு வாக்கு சேகரித்தார்.

இன்று (சனிக்கிழமை ) அரூர் பகுதியில் அரூர் சட்டமன்ற இடைத்தேர்தலில் போட்டியிடும் வேட்பாளர் கிருஷ்ணகுமார், தர்மபுரி நாடாளுமன்ற தொகுதி வேட்பாளர் செந்தில்குமார், பாப்பிரெட்டிபட்டி சட்டமன்றத் தேர்தல் வேட்பாளர் மணி , இவர்களை ஆதரித்து இன்று காலை நடைபெற உள்ள பொதுக்கூட்டத்தில் பேச இருக்கிறார்.

இதற்காக அவர் தர்மபுரியில் உள்ள தனியார் தங்கும் விடுதியில் தங்கியிருந்தார்.

இன்று காலை தர்மபுரி உழவர் சந்தைக்கு திடீரென திமுக தலைவர் ஸ்டாலின், வேட்பாளர் செந்தில்குமார், தர்மபுரி சட்டமன்ற உறுப்பினர் தடங்கம்சுப்பிரமணியன் உள்ளிட்டோர்  சென்றனர்.

அங்கு பொதுமக்களிடம் திமுக நாடாளுமன்ற வேட்பாளர் செந்தில்குமாருக்கு வாக்குகள் சேகரித்தார் மு.க.ஸ்டாலின்.