Fishing Festival | காரைக்குடியில் மீன் பிடித் திருவிழா... ஊத்தா கூடையுடன் படையெடுத்த மக்கள்

மாவட்டம் காரைக்குடி அருகே ஊர்க்குளத்தான்பட்டி பெரிய கண்மாயில் ஆண்டு தோறும் மீன்பிடி திருவிழா நடத்துவது வழக்கம்.

கடந்த ஆண்டு பெய்த தொடர் மழையால் பெரிய கண்மாய் முழுவதும் நிரம்பியதும் மீன் குஞ்சுகள் வாங்கி விடப்பட்டது.

தொடர்ந்து விவசாய தேவைக்கு கண்மாய் நீரை விவசாயிகள் பயன்படுத்தாலும் கோடை காலம் என்பதால் தற்போது  கண்மாய் நீர் வற்ற தொடங்கியது.

ஊர்க்குளத்தான்பட்டி , நெடுமரம் , சிறு கூடல்பட்டி , வைரவன் பட்டி , சமத்துவபுரம்  பகுதி மக்களுக்கு தகவல் தெரிவிக்கப்பட்டு கண்மாயில் மீன்களை பிடிக்க முடிவு செய்து  பாரம்பரிய முறைப்படி கையால் முடையப்பட்ட ஊத்தா கூடை , கச்சா மூலம் மட்டும் மீன் பிடிக்க வேண்டும் என்று கூறப்பட்டது .

இதனால் அதிகாலையில் கண்மாயில்  ஒற்றுமையாக காத்திருந்த கிராம மக்களுக்கு  மீன்பிடிக்க அனுமதி கிடைத்தவுடன் தாயாராக போர் வீரர்கள் போல  ஊத்தா  கூடையுடன் மின்னல் வேகத்தில் ஒடி சென்று கண்மாயில் இறங்கி போட்டி போட்டுக் கொண்டு ஊத்தா கூடையை நீரில் மூழ்கடித்து மீன்பிடிக்க தொடங்கினர்.

தொடர்ந்து கூடைக்குள் சிக்கிய ஜிலேபி , கெண்டை ,கட்லா, விரால்  மீன்களை பிடித்தனர்.

மீன்பிடி திருவிழா நடத்தினால் விவசாயம் செழிக்கும் என்பது கிராம மக்களின் நம்பிக்கையாகும்.

தற்போது  கோடை காலம் தொடங்கியதால் சிவகங்கை மாவட்டம் முழுவதும் உள்ள  கிராமங்கள் தோறும் தற்போது மீன்பிடி திருவிழா களைகட்டியுள்ளது . செய்தியாளர் : முத்துராமலிங்கம்