மனநலம் பாதிக்கப்பட்ட பெண்ணை தூக்கிச் சென்று பாலியல் வன்கொடுமை செய்த 7 சிறுவர்கள் கைது!

ராமநாதபுரம் ஏர்வாடியில் மனநலம் பாதிக்கப்பட்ட பெண்ணை பாலியல் வன்கொடுமை செய்த 7 சிறுவர்களை போலீசார் கைது செய்துள்ளனர்.

கேரள மாநிலம் கோழிக்கூடு பகுதியை சேர்ந்த இளம்பெண் கடந்த 2 மாதங்களாக ஏர்வாடியில் தங்கி மனநல சிகிச்சை பெற்று வருகிறார்.

கடந்த செவ்வாய்கிழமை இரவு கழிவறைக்கு சென்ற அவரை வழிமறித்த சிலர் மறைவான இடத்திற்கு அழைத்து சென்று பாலியல் வன்கொடுமை செய்துள்ளனர்.

இது தொடர்பாக பெண்ணின் தந்தை அளித்த புகாரின் அடிப்படையில் 17 வயதுக்குட்பட்ட 7 சிறுவர்களை போலீசார் கைது செய்தனர்.

இந்நிலையில் ஏர்வாடி பகுதியில் சட்டவிரோத மது மற்றும் கஞ்சா விற்பனை அதிகரித்திருப்பதே இதுபோன்ற சம்பவங்களுக்கு காரணம் என்று சமூக ஆர்வலர்கள் குற்றஞ்சாட்டியுள்ளனர்.